വിഷു വിന്നറായി ‘ആലപ്പുഴ ജിംഖാന’; ഇതുവരെ നേടിയത് 30 കോടി

വിഷു റിലീസായെത്തിയ മൂന്ന് മലയാള ചിത്രങ്ങളിൽ മറ്റ് ചിത്രങ്ങളെ പിന്നിലാക്കി മുന്നേറി യുവതാരം നസ്ലെൻ ഗഫൂർ ചിത്രം ആലപ്പുഴ ജിംഖാന. മമ്മൂട്ടിയുടെ ബസൂക്ക, ബേസിൽ ജോസഫിന്‍റെ മരണമാസ് എന്നീ ചിത്രങ്ങളെ മറികടന്നാണ് ആലപ്പുഴ ജിംഖാന വിഷു വിന്നറായി മാറുന്നത്. ഇതുവരെയുള്ള ബോക്സ് ഓഫീസ് കണക്കുകളിൽ ആലപ്പുഴ ജിംഖാന ഏറെ മുന്നിലാണ്.

വേൾഡ് വൈഡ് ബോക്സ് ഓഫീസിൽ അഞ്ച് ദിവസത്തിനുള്ളിൽ 30 കോടി രൂപ കളക്ഷൻ ജിംഖാന നേടിയിട്ടുണ്ട്. ഖാലിദ് റഹ്മാന്‍റെ സംവിധാനത്തിലെത്തുന്ന ചിത്രം കേരളത്തിൽ നിന്നും മാത്രം 15.26 കോടി നേടിയപ്പോൾ ലോകമെമ്പാട് നിന്നും 30.8 കോടിയാണ് സ്വന്തമാക്കിയത്. ബസൂക്ക കേരളത്തിൽ നിന്നും 10.47 മരണമാസ് 5.86 കോടിയുമാണ് നേടിയത്.