നിയമലംഘനം; ദുബായിൽ ഇനി മുതല്‍ ഇ-സ്‌കൂട്ടറുകളും സൈക്കിളുകളും നിരീക്ഷിക്കുന്നതിനായി പ്രത്യേക യൂണിറ്റ് ആരംഭിക്കും

ദുബായിൽ ഇനി മുതല്‍ ഇ-സ്‌കൂട്ടറുകളും സൈക്കിളുകളും നിരീക്ഷിക്കുന്നതിനായി പ്രത്യേക യൂണിറ്റ് ആരംഭിക്കും .സൈക്ലിംഗ്, ഇ-സ്‌കൂട്ടര്‍ ട്രാക്കുകളിലെ ഗതാഗത സുരക്ഷ മെച്ചപ്പെടുത്തുന്നതിനൊപ്പം എല്ലാ സുരക്ഷാ മാനദണ്ഡങ്ങളും പാലിക്കുന്നുണ്ടെന്ന് ഉറപ്പാക്കുകയും ചെയ്യുക എന്നതാണ് പുതിയ പേഴ്സണല്‍ മൊബിലിറ്റി മോണിറ്ററിംഗ് യൂണിറ്റിന്റെ ലക്ഷ്യം.

റോഡ്സ് ആന്‍ഡ് ട്രാന്‍സ്പോര്‍ട്ട് അതോറിറ്റി (ആര്‍ടിഎ)യും ദുബൈ പൊലിസും തമ്മിലുള്ള സഹകരണത്തിലൂടെ ആരംഭിച്ച ഈ യൂണിറ്റ് ഗതാഗത നിയമങ്ങള്‍ പാലിക്കല്‍, സൈക്ലിംഗ് പാതകളിലെ ഗതാഗതം നിയന്ത്രിക്കല്‍, സുരക്ഷിതമായ റൈഡിംഗ് രീതികളെക്കുറിച്ചുള്ള പൊതുജന അവബോധം പ്രോത്സാഹിപ്പിക്കല്‍ എന്നിവയ്ക്ക് മേല്‍നോട്ടം വഹിക്കും

നിലവിലുള്ള ചട്ടങ്ങള്‍ അനുസരിച്ച് കുറ്റവാളികള്‍ക്ക് പിഴ ചുമത്തും. പ്രവര്‍ത്തനം നിരീക്ഷിക്കുന്നതിനും നിയമങ്ങള്‍ നടപ്പിലാക്കുന്നതിനുമായി പ്രധാന സൈക്കിള്‍ പാതകളിലും സോഫ്റ്റ് മൊബിലിറ്റി സോണുകളെ ബന്ധിപ്പിക്കുന്ന പ്രധാന തെരുവുകളിലും യൂണിറ്റിലെ ഉദ്യോഗസ്ഥര്‍ നിലയുറപ്പിക്കും.