താമസസ്ഥലത്ത് കഞ്ചാവ് ചെടി വളർത്തിയ കേസിൽ അന്യസംസ്ഥാന തൊഴിലാളി അറസ്റ്റിൽ

താമസസ്ഥലത്ത് കഞ്ചാവ് ചെടി വളർത്തിയ കേസിൽ അന്യസംസ്ഥാന തൊഴിലാളി അറസ്റ്റിൽ. അസാം ബല്ലോപാൽ ജഗതിപൂര് അബ്ബാസിനെയാണ് (24) പെരുമ്പാവൂർ പൊലീസ് അറസ്റ്റ് ചെയ്തത്. പെരുമ്പാവൂരിലെ സൂപ്പർ മാർക്കറ്റിന് സമീപം ഇയാൾ താമസിച്ചിരുന്ന വീടിന്റെ മുറ്റത്താണ് കഞ്ചാവ് ചെടി വളർത്തിയിരുന്നത്.

പൊലീസിന് ലഭിച്ച രഹസ്യ വിവരത്തെ തുടർന്ന് നടത്തിയ പരിശോധനയിൽ ശനിയാഴ്ച വൈകിട്ടാണ് കഞ്ചാവ് ചെടി വളർത്തിയത് കണ്ടെത്തിയത്. അന്വേഷണ സംഘത്തിൽ ഇൻസ്പെക്ടർ ടി.എം സൂഫി, എസ്.ഐമാരായ റിൻസ് എം. തോമസ്, പി.എം. റാസിഖ്, എ.എസ്.ഐ ബാലാമണി,സി.പി.ഒമാരായ സിബിൻ, സന്ധ്യ എന്നിവരാണ് ഉണ്ടായിരുന്നത്.