ഡി 56: മാരി സെല്‍വരാജ്- ധനുഷ് ചിത്രം പ്രഖ്യാപിച്ചു

മാരി സെല്‍വരാജ്- ധനുഷ് ചിത്രം പ്രഖ്യാപിച്ചു. ഡി 56 എന്ന് താത്കാലികമായി പേരിട്ടിരിക്കുന്ന ചിത്രത്തിന്റെ അനൗണ്‍സ്മെന്റ് പോസ്റ്റര്‍ അണിയറപ്രവര്‍ത്തകര്‍ പുറത്തുവിട്ടു. കര്‍ണ്ണന്‍ എന്ന സൂപ്പര്‍ഹിറ്റ് സിനിമയ്ക്ക് ശേഷം മാരി സെല്‍വരാജും ധനുഷും ഒന്നിക്കുന്ന സിനിമയാണിത്. കര്‍ണ്ണന്റെ നാലാം വര്‍ഷത്തിലാണ് ഈ പുതിയ സിനിമ പ്രഖ്യാപിച്ചിരിക്കുന്നത്.

‘ഈ വര്‍ഷങ്ങളിലുടനീളം കര്‍ണനെ ആഘോഷിക്കുകയും പിന്തുണയ്ക്കുകയും ചെയ്ത എല്ലാവര്‍ക്കും നന്ദി. കൂടാതെ, എന്റെ അടുത്ത പ്രോജക്റ്റ് ഒരിക്കല്‍ കൂടി എന്റെ പ്രിയപ്പെട്ടവരോടൊപ്പം ആണെന്ന് പറയുന്നതില്‍ ഞാന്‍ സന്തോഷിക്കുന്നു. ഒരിക്കല്‍ കൂടി ധനുഷ് സാറുമായി കൈകോര്‍ക്കുന്നതില്‍ ഞാന്‍ വളരെ ആവേശത്തിലാണ്’, എന്നാണ് ചിത്രം പ്രഖ്യാപിച്ചുകൊണ്ട് മാരി സെല്‍വരാജ് സോഷ്യല്‍ മീഡിയയില്‍ കുറിച്ചത്.വേല്‍സ് ഫിലിംസ് ഇന്റര്‍നാഷനലിന്റെ ബാനറില്‍ ഇഷാരി കെ ഗണേഷ് ആണ് ഈ ചിത്രം നിര്‍മിക്കുന്നത്. ചിത്രത്തിന്റെ മറ്റു അണിയറപ്രവര്‍ത്തക