തിരുവനന്തപുരത്ത് എംഡിഎംഎയുമായി രണ്ട് യുവാക്കൾ പിടിയിൽ

തിരുവനന്തപുരം പുല്ലുവിളയിൽ 12 ഗ്രാം എംഡിഎംഎയുമായി രണ്ടു യുവാക്കൾ എക്സൈസ് സംഘത്തിന്റെ പിടിയിലായി. രഹസ്യ വിവരത്തിന്റെ അടിസ്ഥാനത്തിൽ പുല്ലുവിള ചാരത്തടി പുരയിടത്തിൽ ഷിബു താമസിക്കുന്ന വീട്ടിൽ നിന്നും വിഴിഞ്ഞം കോട്ടപ്പുറം സ്വദേശിയായ സൂസടിമ ( 32), വിഴിഞ്ഞം കോട്ടപ്പുറം കുഞ്ചുവീട്ടിൽ ജ്യൂഡ് ഗോഡ് ഫ്രീ (32) എന്നിവരെയാണ് പിടികൂടിയത്. ഇവരുടെ കൈവശം നിന്നും 12 ഗ്രാം എംഡിഎംഎ, സിറിഞ്ചുകൾ തുടങ്ങിയവ പിടിച്ചെടുത്തു. ഇവരുടെ കൂട്ടത്തിൽ ഉണ്ടായിരുന്ന ഷിബു ഓടി രക്ഷപ്പെട്ടതായി എക്സൈസ് ഉദ്യോഗസ്ഥർ പറഞ്ഞു.

ഡാൻസ് സാഫ് സംഘമാണ് ഇവരെ പിടികൂടിയത്. പ്രതികളെ കാഞ്ഞിരംകുളം പോലിസിന് കൈമാറി. തീരദേശ മേഖല കേന്ദ്രീകരിച്ച് ലഹരി ഉൽപ്പന്നങ്ങൾ കച്ചവടം ചെയ്യുന്ന സംഘത്തിലുള്ളവരാണ് പ്രതികൾ എന്ന് പോലീസ് പറഞ്ഞു.