കർണാടകയിൽ ക്ഷേത്രമേളക്കിടെ രഥം മറിഞ്ഞ് അപകടം; രണ്ടു പേർ മരിച്ചു

കർണാടകയിലെ ഹുസ്‌കൂറിൽ ക്ഷേത്രമേളക്കിടെ രഥം മറിഞ്ഞുണ്ടായ അപകടത്തിൽ രണ്ടു പേർ മരിച്ചു. തമിഴ്‌നാട് ഹൊസൂർ സ്വദേശി രോഹിത് (26), ബംഗളൂരു കെങ്കേരി സ്വദേശി ജ്യോതി (14) എന്നിവരാണ് മരിച്ചത്.

അപകടത്തിൽ നിരവധി പേർക്ക് പരിക്കേറ്റു. ലക്കസാന്ദ്രയിൽ നിന്നുള്ള രാകേഷിന്റെയും മറ്റൊരു സ്ത്രീയുടെയും പരിക്ക് ഗുരുതരമാണ്.