കോഹ്ലിയുടെ വിമർശനം ഏറ്റു; കുടുംബത്തെ കൂടെ കൂട്ടുന്നതിലെ നിയന്ത്രണങ്ങളില്‍ ഇളവ് നല്‍കാന്‍ ബിസിസിഐ

മുംബൈ: ഇന്ത്യന്‍ ക്രിക്കറ്റ് താരങ്ങള്‍ക്ക് മേല്‍ ബിസിസിഐ പുതുതായി കൊണ്ടുവന്ന കര്‍ശന മാര്‍ഗനിര്‍ദേശങ്ങളില്‍ ഇളവ് വരുത്താന്‍ ബിസിസിഐ. വിദേശ പരമ്പരകളില്‍ കുടുംബത്തെ കൂട്ടുന്നതിന് ബിസിസിഐ ഏര്‍പ്പെടുത്തിയ നിയന്ത്രണങ്ങള്‍ക്കെതിരെ ഇന്ത്യന്‍ സൂപ്പര്‍ താരം വിരാട് കോഹ്ലി അതൃപ്തി പരസ്യമാക്കിയതിന് പിന്നാലെയാണ് ബിസിസിഐനിലപാട് മയപ്പെടുത്തുന്നത് എന്നാണ് റിപ്പോര്‍ട്ട്. വിദേശ പരമ്പരകളില്‍ ഇപ്പോള്‍ നിര്‍ദേശിച്ചതിലും കൂടുതല്‍ സമയം കുടുംബത്തെ കൂടെ നിര്‍ത്തണമെങ്കില്‍ പ്രത്യേക അനുമതി വാങ്ങിയാല്‍ മതിയെന്ന നിര്‍ദേശമാണ് ബിസിസിഐ ഇപ്പോള്‍ മുന്നോട്ടുവെക്കുന്നതെന്ന് വാര്‍ത്താ ഏജന്‍സിയായ എഎന്‍ഐ റിപ്പോര്‍ട്ട് ചെയ്തു.

ഇന്ത്യന്‍ ടീമിന്റെ പര്യടനങ്ങളില്‍ കുടുംബങ്ങളുടെ സാന്നിധ്യം ഉറപ്പാക്കണമെനന്നായിരുന്നു കോഹ്ലി പറഞ്ഞത്. പ്രത്യേകിച്ച് കളിക്കാര്‍ക്ക് മാനസിക ബുദ്ധിമുട്ടുള്ള സമയങ്ങള്‍ നേരിടേണ്ടി വരുമ്പോള്‍ കൂടെ നില്‍ക്കാന്‍ പങ്കാളിയുണ്ടാകുന്നത് ഗുണം ചെയ്യുമെന്നും താരം പറഞ്ഞു. കോഹ്ലിയെ കൂടാതെ മറ്റ് ഇന്ത്യന്‍ താരങ്ങളും ബിസിസിഐയുടെ പുതിയ നിയമത്തിനെതിരെ തങ്ങളുടെ വിയോജിപ്പ് അറിയിച്ചിരുന്നു.