ഓൾ ഇംഗ്ലണ്ട് ബാഡ്മിന്റൺ: ക്വാർട്ടറിൽ കടന്ന് ഇന്ത്യൻ താരം ലക്ഷ്യ സെൻ

ബർമിങ്ങാം: ഓൾ ഇംഗ്ലണ്ട് ബാഡ്മിന്റണിൽ ക്വാർട്ടറിൽ കടന്ന് ഇന്ത്യൻ താരം ലക്ഷ്യ സെൻ. പുരുഷ സിംഗിൾസ് പ്രീക്വാർട്ടറിൽ ലോക രണ്ടാം നമ്പർ താരം ഇന്തോനേഷ്യയുടെ ജൊനാതൻ ക്രിസ്റ്റിയെയാണ് ലക്ഷ്യ സെൻ പരാജയപ്പെടുത്തിയത് (21–13, 21–10).

എന്നാൽ പുരുഷ ഡബിൾസിൽ സാത്വിക്സായ്‌രാജ്–ചിരാഗ് ഷെട്ടി സഖ്യത്തിന് മത്സരം അടിയറ വെക്കേണ്ടി വന്നത് ഇന്ത്യയ്ക്ക് തിരിച്ചടിയായി. ചിരാഗിനെ പരുക്ക് അലട്ടിയതോടെയാണ് ഇന്ത്യൻ സഖ്യത്തിന് പിന്മാറേണ്ടി വന്നത്. വനിതാ സിംഗിൾസിൽ മാളവിക ബൻസൂദും പ്രീക്വാർട്ടറിൽ പുറത്തായി.