ഡ്യൂട്ടിക്കിടെ മദ്യപിച്ച് ലക്കുകെട്ട് പഞ്ചായത്ത് സെക്രട്ടറി, കിടന്നത് റോഡരികിൽ

മലപ്പുറം: ഡ്യൂട്ടി സമയത്ത് മദ്യപിച്ച് ലക്കുകെട്ട് പഞ്ചായത്ത് സെക്രട്ടറി റോഡരികിൽ കിടന്നു. മലപ്പുറം ജില്ലയിലെ വെട്ടത്തൂർ പഞ്ചായത്ത് സെക്രട്ടറി ഷാജിമോൻ കെ.പിയാണ് മദ്യലഹരിയിൽ റോഡരികിൽ കിടന്നത്. പെരിന്തൽമണ്ണയിലെ റോഡിലാണ് ഇയാൾ കിടന്നത്. ഡ്യൂട്ടിക്കിടെ ഇയാൾ മദ്യപിപിച്ചു എന്നാണ് ലഭ്യമാകുന്ന വിവരം. വിവരം അറിഞ്ഞതോടെ പോലീസ് സ്ഥലത്തെത്തുകയും ഇദ്ദേഹത്തെ ആശുപത്രിയിലേക്ക് മാറ്റുകയും ചെയ്തു. തുടർന്ന് നടത്തിയ വൈദ്യ പരിശോധനയിൽ ഇദ്ദേഹം അമിതമായി മദ്യപിച്ചിട്ടുണ്ടെന്ന് കണ്ടെത്തി. ഡ്യൂട്ടിക്കിടെ നടന്ന സംഭവമായതിനാൽ ഉദ്യോഗസ്ഥനെതിരെ വകുപ്പ് തല നടപടിയുണ്ടായേക്കും.