ഒരുലക്ഷം രൂപ ഫ്ലാറ്റ് കിഴിവ്; ജിംനിക്ക് വമ്പൻ ഓഫർ !

മാരുതി സുസുക്കിയുടെ നെക്സ ഡീലർഷിപ്പുകൾ നിരവധി കിഴിവുകളും ആനുകൂല്യങ്ങളും വാഗ്‍ദാനം ചെയ്യുന്നു. ജിംനി ആൽഫയ്ക്ക് ഒരുലക്ഷം രൂപ ഫ്ലാറ്റ് കിഴിവ് ലഭിക്കും. ഇൻവിക്ടോ ആൽഫ വേരിയന്റിന് 25,000 രൂപ ക്യാഷ് ഡിസ്‌കൗണ്ടും ഒരു ലക്ഷം രൂപ എക്സ്ചേഞ്ച് ബോണസോ 1.15 ലക്ഷം രൂപ സ്ക്രാപ്പേജ് ആനുകൂല്യമോ ലഭിക്കും. 2025 മാർച്ചിൽ, എർട്ടിഗ, സിഎൻജി വകഭേദങ്ങൾ ഒഴികെയുള്ള അരീന മോഡലുകളിൽ മാരുതി ഓഫറുകൾ പ്രഖ്യാപിച്ചിട്ടുണ്ട്.

കൂടാതെ ഗ്രാൻഡ് വിറ്റാര സ്ട്രോങ് ഹൈബ്രിഡ് വേരിയന്റിന് 50,000 രൂപ കിഴിവും 5 വർഷത്തെ വാറണ്ടിയും നൽകുന്നു. ഗ്രാൻഡ് വിറ്റാര മൈൽഡ് ഹൈബ്രിഡ് (സിഗ്മ ഒഴികെ) 50,000 രൂപ കിഴിവോടെ ലഭിക്കും. ഗ്രാൻഡ് വിറ്റാരയുടെ രണ്ട് വകഭേദങ്ങളിലും 20,000 രൂപ എക്സ്ചേഞ്ച് ബോണസ് വാഗ്ദാനം ചെയ്യുന്നു.

അതേസമയം 43,000 രൂപ വിലയുള്ള വെലോസിറ്റി എഡിഷന് 10,000 രൂപ എക്‌സ്‌ചേഞ്ച് ബോണസോ 15,000 രൂപ സ്‌ക്രാപ്പേജ് ആനുകൂല്യമോ ലഭിക്കും. ബലേനോയുടെ സിഗ്മ വേരിയന്റിന് 30,000 രൂപ കിഴിവ് ലഭിക്കുമ്പോൾ, ഡെൽറ്റ, സീറ്റ, ആൽഫ എംടി മോഡലുകൾക്ക് 25,000 രൂപ കിഴിവ് ലഭിക്കുന്നു. എഎംടി പതിപ്പിന് 30,000 രൂപ ഉപഭോക്തൃ കിഴിവും 15,000 രൂപ അധിക എക്സ്ചേഞ്ച് ബോണസോ 20,000 രൂപ സ്ക്രാപ്പേജ് ആനുകൂല്യമോ ലഭിക്കും.