ദാസേട്ടന്റെ സൈക്കിള്‍ ചിത്രത്തിന്റെ ട്രെയിലര്‍ പങ്കുവെച്ച് മോഹന്‍ലാല്‍

ഹരീഷ് പേരടിയെ പ്രധാന കഥാപാത്രമാക്കി അഖില്‍ കാവുങ്കല്‍ സംവിധാനം ചെയ്യുന്ന ചിത്രമാണ് ”ദാസേട്ടന്റെ സൈക്കിള്‍”. ചിത്രത്തിന്റെ ഒഫീഷ്യല്‍ ട്രെയിലര്‍ മോഹന്‍ലാല്‍ തന്റെ ഇന്‍സ്റ്റാ പേജിലൂടെ റിലീസ് ചെയ്തു. ചിത്രം മാര്‍ച്ച് 14 ന് തിയറ്ററുകളിലെത്തും. നടന് നന്ദി പറഞ്ഞ് ഹരീഷ് പേരടിയും ഫേസ്ബുക്ക് പോസ്റ്റുമായി എത്തി.

ഹരീഷ് പേരടി പ്രൊഡക്ഷന്‍സിന്റെ ബാനറില്‍ ഹരീഷ് പേരടി, ബിന്ദു ഹരീഷ്, സുദീപ് പച്ചാട്ട് എന്നിവര്‍ നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം രാഹുല്‍ സി വിമല്‍ നിര്‍വഹിക്കുന്നു. തോമസ് ഹാന്‍സ് ബെന്നിന്റെ വരികള്‍ക്ക് എ സി ഗിരീശന്‍ സംഗീതം പകരുന്നു. എക്‌സിക്യൂട്ടീവ് പ്രൊഡ്യൂസര്‍ നൗഫല്‍ പുനത്തില്‍, പ്രൊഡക്ഷന്‍ കണ്‍ട്രോളര്‍ നിജില്‍ ദിവാകരന്‍, കല മുരളി ബേപ്പൂര്‍, മേക്കപ്പ് രാജീവ് അങ്കമാലി, വസ്ത്രാലങ്കാരം സുകേഷ് താനൂര്‍, സ്റ്റില്‍സ് ശ്രീജിത്ത് ചെട്ടിപ്പടി, പരസ്യകല മനു ഡാവഞ്ചി, അസോസിയേറ്റ് ഡയറക്ടര്‍ ജയേന്ദ്ര ശര്‍മ്മ, സജിത് ലാല്‍, പ്രൊഡക്ഷന്‍ എക്‌സിക്യൂട്ടീവ് നിഷാന്ത് പന്നിയങ്കര, പി ആര്‍ ഒ- എ എസ് ദിനേശ്.