ചെന്നൈയില്‍ ഇഫ്താര്‍ വിരുന്ന് സംഘടിപ്പിച്ച് വിജയ്; വിശ്വാസികള്‍ക്കൊപ്പം നോമ്പു തുറന്നു

ചെന്നൈ: റമസാന്‍ മാസത്തിലെ ആദ്യ വെള്ളിയാഴ്ച ചെന്നൈയില്‍ ഇഫ്താര്‍ വിരുന്ന് സംഘടിപ്പിച്ച് ടിവികെ അധ്യക്ഷനും നടനുമായ വിജയ്. വൈകുന്നേരത്തെ നിസ്‌കാരത്തില്‍ പങ്കെടുത്ത താരം പ്രവര്‍ത്തകരോടൊപ്പം നോമ്പ് തുറക്കുന്ന ചിത്രങ്ങളും വീഡിയോയും വൈറലായി. തമിഴക വെട്രി കഴകം സ്ഥാപക നേതാവ് ഇഫ്താര്‍ ചടങ്ങുകളില്‍ പങ്കെടുക്കുമ്പോള്‍ എന്ന പേരില്‍ ചിത്രങ്ങള്‍ പ്രചരിക്കുന്നുണ്ട്.

വിജയ് ഒരു ദിവസം മുഴുവന്‍ ഉപവാസം അനുഷ്ഠിക്കുകയും നിസ്‌കാരം നടത്തുകയും ചെയ്തു. തുടര്‍ന്ന് ഇഫ്താര്‍ ചടങ്ങുകളില്‍ പങ്കെടുക്കുകയും ചെയ്തു. ചെന്നൈയിലെ റോയപ്പേട്ടയിലുള്ള വൈഎംസിഎ ഗ്രൗണ്ടിലാണ് വിജയ് ഇഫ്താര്‍ പരിപാടി സംഘടിപ്പിച്ചത്. 15 പ്രാദേശിക പള്ളികളില്‍ നിന്നുള്ള ഇമാമുകളെ ക്ഷണിക്കുകയും ഏകദേശം 3,000 പേര്‍ക്ക് നോമ്പ് തുറക്കാനുള്ള സൗകര്യവും ഒരുക്കിയിരുന്നു.

വിജയ് ഒരു ദിവസം മുഴുവന്‍ ഉപവാസം അനുഷ്ഠിക്കുകയും നിസ്‌കാരം നടത്തുകയും ചെയ്തു. തുടര്‍ന്ന് ഇഫ്താര്‍ ചടങ്ങുകളില്‍ പങ്കെടുക്കുകയും ചെയ്തു. ചെന്നൈയിലെ റോയപ്പേട്ടയിലുള്ള വൈഎംസിഎ ഗ്രൗണ്ടിലാണ് വിജയ് ഇഫ്താര്‍ പരിപാടി സംഘടിപ്പിച്ചത്. 15 പ്രാദേശിക പള്ളികളില്‍ നിന്നുള്ള ഇമാമുകളെ ക്ഷണിക്കുകയും ഏകദേശം 3,000 പേര്‍ക്ക് നോമ്പ് തുറക്കാനുള്ള സൗകര്യവും ഒരുക്കിയിരുന്നു.

അതെസമയം, 2026ലെ തമിഴ്നാട് നിയമസഭാ തിരഞ്ഞെടുപ്പിന് തയാറെടുക്കുന്ന വിജയ്, സഖ്യ രൂപീകരണ ചര്‍ച്ചകളുമായി മുന്നോട്ട് പോകുകയാണ്. നേരത്തെ ഡിഎംകെയെയും ബിജെപിയെയും വിജയ് ഒരുപോലെ എതിര്‍ത്ത് രംഗത്തെത്തിയിരുന്നു. അണ്ണാ ഡിഎംകെയുമായി ടിവികെ സഖ്യ ചര്‍ച്ചകള്‍ നടത്തുന്നെന്നാണ് പുതിയതായി പുറത്തുവരുന്ന റിപ്പോര്‍ട്ടുകള്‍.