മുണ്ടക്കൈ-ചൂരല്‍മല പുനരധിവാസം: മൂന്നാം ഘട്ട ലിസ്റ്റ് പ്രസിദ്ധീകരിച്ചു

കല്‍പ്പറ്റ: മുണ്ടക്കൈ-ചൂരല്‍മല പുനരധിവാസത്തിനായുളള മൂന്നാം ഘട്ട ലിസ്റ്റ് പ്രസിദ്ധീകരിച്ചു. മൂന്നാമത്തെ പട്ടികയില്‍ 70 കുടുംബങ്ങളാണുള്ളത്. വാര്‍ഡ് 11 ല്‍ നിന്ന് 37 കുടുംബങ്ങളും വാര്‍ഡ് 10ല്‍ നിന്ന് 18 കുടുംബങ്ങളും വാര്‍ഡ് 12 ല്‍ നിന്ന് 15 കുടുംബങ്ങളും പട്ടികയില്‍ ഇടം പിടിച്ചു.

സുരക്ഷിതമല്ലാത്ത മേഖലയ്ക്ക് പുറത്ത് 50 മീറ്റര്‍ പരിധിയിലുള്ള ഒറ്റപ്പെട്ട കുടുംബങ്ങളാണ് ലിസ്റ്റിലുളളത്. പുനരധിവാസത്തിനുള്ള അവസാന കരട് പട്ടികയാണ് ഇന്ന് പുറത്തുവിട്ടത്. പട്ടികയില്‍ ആക്ഷേപവും പരാതികളുമുണ്ടെങ്കില്‍ 10 ദിവസത്തിനുള്ളില്‍ അറിയിക്കാവുന്നതാണ്. ആദ്യഘട്ടത്തില്‍ 242 കുടുംബങ്ങളുടെ പട്ടികയും രണ്ടാംഘട്ടത്തില്‍ 81 കുടുംബങ്ങളുടെ പട്ടികയും പ്രസിദ്ധീകരിച്ചിരുന്നു.