‘ഇത് രാഞ്ജിമാരുടെ ഇരുമ്പിന്റെ അടിവസ്‌ത്രം, രാജാക്കന്മാർ പുറത്ത് പോകുമ്പോൾ ഇത് പൂട്ടി കൊണ്ട് പോകും’; വിചിത്ര വീഡിയോയുമായി യുവാവ്

രാജാക്കന്മാരുടെയും റാണിമാരുടെയും ആഭരണങ്ങളെയും വസ്ത്രത്തെയും കുറിച്ചൊക്കെ നാം ഒരുപാട് കേട്ടിട്ടുണ്ട്. രാജാക്കന്മാരുടെ കൊട്ടാരങ്ങൾ, വസ്ത്രങ്ങൾ, ആഭരണങ്ങൾ തുടങ്ങിയവ ഇന്നും സൂക്ഷിക്കുന്നുണ്ട്. മ്യൂസിയങ്ങളിൽ ഇതൊക്കെ കാണുമ്പോൾ തന്നെ നമ്മുടെ മനസിന് ഒരുകുളിർമയാണ്. അത്തരത്തിൽ പഴയ ചില വസ്തുക്കൾ പരിചയപ്പെടുത്തുന്ന ‘desijourneyofficial’ എന്ന ഇൻസ്റ്റഗ്രാം പേജിൽ പങ്കുവച്ചിരിക്കുന്ന ഒരു വീഡിയോയാണ് ഇപ്പോൾ സോഷ്യൽ മീഡിയയിൽ വെെറലാകുന്നത്.

പുറത്തുവന്ന വീഡിയോയിലെ വ്യക്തി ആരാണെന്ന് വ്യക്തമല്ല. ഇയാൾ കെെയിൽ ഒരു ഇരുമ്പ് വസ്തു പിടിച്ചിട്ടുണ്ട്. എന്നിട്ട് ഇത് രാഞ്ജിമാരുടെ അടിവസ്ത്രമാണെന്ന് പറയുന്നു. അതിന് രണ്ട് വശത്തായി പൂട്ടുമുണ്ട്. പണ്ട് രാജാക്കന്മാർ വേട്ടയാടാനും യുദ്ധത്തിനും പോകുമ്പോൾ രാജ്ഞിമാരെ ഇരുമ്പ് കൊണ്ട് നിർമ്മിച്ച അടിവസ്ത്രം ധരിപ്പിച്ചിരുന്നുവെന്നാണ് അയാൾ വീഡിയോയിൽ പറയുന്നത്. ഇതിന്റെ താക്കോൽ രാജാക്കന്മാരുടെ കെെയിൽ ആയിരിക്കും. ഈ വസ്തുവിന് 500 വർഷത്തെ പഴക്കമുണ്ടെന്നും അയാൾ വീഡിയോയിൽ പറയുന്നു.