ഇനി അരിയും ഉഴുന്നും വേണ്ട; ദോശ ഈസി ആയി ഇങ്ങനെ ചുട്ടെടുക്കാം

ദോശ വ്യത്യസത രുചിയിൽ തയ്യാറാക്കിയാലോ?. ഇതിനായി അരിയും ഉഴുന്നും അരച്ച് മാവ് തയ്യാറാക്കി പുളിപ്പിക്കാൻ നിൽക്കേണ്ട. ദോശ വളരെ ഹെൽത്തിയായിട്ടും ഇൻസ്റ്റൻ്റായും ചുട്ടെടുക്കാം.

ചേരുവകൾ

റവ
തേങ്ങ
ചുവന്നുള്ളി
വെള്ളം
ഉപ്പ്
വെളിച്ചെണ്ണ

തയ്യാറാക്കുന്ന വിധം

വറുത്തതോ അല്ലാത്തതോ ആയ ഒരു കപ്പ് റവയിലേയ്ക്ക് നാല് ചുവന്നുള്ളി തൊലി കളഞ്ഞു ചേർക്കാം. അതിലേയ്ക്ക് ആവശ്യത്തിന് വെള്ളം കൂടി ഒഴിച്ച് അരച്ചെടുക്കാം. അരച്ചെടുത്ത മാവ് ഒരു ബൗളിലേയ്ക്കു മാറ്റാം. ഇതിൽ ആവശ്യത്തിന് ഉപ്പ് ചേർത്തിളക്കി യോജിപ്പിക്കാം. ഒരു പാൻ അടുപ്പിൽ വെച്ചു ചൂടാക്കാം. അതിൽ വെളിച്ചെണ്ണ പുരട്ടി ചൂടായ ശേഷം ഓരോ തവി വീതം മാവ് ഒഴിക്കാം. ഇരുവശങ്ങളും ചുട്ടെടുക്കാം. ഇത് ചൂടോടെ ചമ്മന്തിക്കൊപ്പം കഴിച്ചു നോക്കൂ