നേപ്പാളിൽ വൻ ഭൂചലനം; ആളപായമില്ല

കാഠ്മണ്ഡു: നേപ്പാളിൽ 6.1 തീവ്രതയിൽ വൻ ഭൂചലനം അനുഭവപെട്ടു. ഇന്ന് പുലർച്ചെ പ്രാദേശിക സമയം 2.51ന് രാജ്യത്തിന്റെ മധ്യമേഖലയിലെ സിന്ധുപാൽചൗക്ക് ജില്ലയിലായിരുന്നു ഭൂചലനം ഉണ്ടായത്. ആളപായമോ വലിയ നാശനഷ്ടങ്ങളോ ഉണ്ടായതായി റിപ്പോർട്ട് ചെയ്തിട്ടില്ല.

അതേസമയം ഭൂചലനത്തിന്റെ പ്രഭവകേന്ദ്രം ഭൈരവ്കുണ്ഡ് ആണെന്ന് ദേശീയ ഭൂചലന നിരീക്ഷണ, ഗവേഷണ കേന്ദ്രം അറിയിച്ചു. നേപ്പാളിലെ കിഴക്കൻ, മധ്യ മേഖലകളിലെ ആളുകൾക്ക് ഭൂചലനം അനുഭവപ്പെട്ടു. ഇന്ത്യയുടെയും ടിബറ്റിന്റെയും അതിർത്തി പ്രദേശങ്ങളിലും ചൈനയിലും ഭൂചലനമുണ്ടായി.