മാരുതി സുസുക്കിയുടെ ആദ്യത്തെ ഇലക്ട്രിക് കാർ, ഇ-വിറ്റാര മാർച്ചിൽ പുറത്തിറങ്ങും

മാരുതി സുസുക്കി ഇന്ത്യ തങ്ങളുടെ ആദ്യത്തെ ഇലക്ട്രിക് കാറായ ഇ-വിറ്റാര 2025 മാർച്ചിൽ പുറത്തിറക്കും. ഇതിന്റെ നിറങ്ങളെയും സുരക്ഷാ സവിശേഷതകളെയും കുറിച്ചുള്ള പുതിയ വിവരങ്ങൾ പുറത്തുവന്നു. ലോഞ്ചിന് മുന്നോടിയായി ഈ ഇലക്ട്രിക് എസ്‌യുവി ഡീലർഷിപ്പുകളിൽ എത്തിത്തുടങ്ങി എന്നാണ് പുതിയ റിപ്പോർട്ടുകൾ.

കമ്പനിയുടെ ഇന്ത്യൻ വിപണിയിലേക്കുള്ള ആദ്യത്തെ ഇലക്ട്രിക് വാഹനമാണിത്. ഇത് 10 നിറങ്ങളിൽ അവതരിപ്പിച്ചിരിക്കുന്നു. സിഗ്മ, ഡെൽറ്റ, സീറ്റ, ആൽഫ എന്നീ വേരിയന്റുകളിൽ ഇത് വാങ്ങാൻ കഴിയും. ഇതിന് 49kWh, 61kWh ബാറ്ററി പായ്ക്കുകളുടെ ഓപ്ഷനുകൾ ഉണ്ടാകും.

അതേസമയം മാരുതി സുസുക്കി ഇ വിറ്റാരയുടെ പ്രതീക്ഷിക്കുന്ന വിലകളെക്കുറിച്ച് പറയുകയാണെങ്കിൽ, സിഗ്മയുടെ (49kWh) എക്സ്-ഷോറൂം വില ഏകദേശം 18 ലക്ഷം രൂപയായിരിക്കും. ഡെൽറ്റയ്ക്ക് (49kWh) ഏകദേശം 19.50 ലക്ഷം രൂപ വിലവരും. സീറ്റ (49kWh) ന് ഏകദേശം 21 ലക്ഷം രൂപ വിലവരും. സീറ്റ (61kWh) ന് ഏകദേശം 22.50 ലക്ഷം രൂപ എക്സ്-ഷോറൂം വില വരും. ആൽഫ (61kWh) ന് ഏകദേശം 24 ലക്ഷം രൂപ എക്സ്-ഷോറൂം വിലവരും.