പുന്നപ്രയിലെ വീട്ടിൽ യുവാവ് തൂങ്ങി മരിച്ച സംഭവം; ഭാര്യയ്ക്കെതിരെ കേസെടുത്ത് അന്വേഷണം

ആലപ്പുഴ: ആലപ്പുഴ പുന്നപ്രയിലെ വീട്ടിൽ യുവാവിനെ തൂങ്ങി മരിച്ച നിലയിൽ കണ്ടെത്തിയ സംഭവം. ഭാര്യയ്ക്കെതിരെ കേസെടുത്ത് അന്വേഷണം നടത്താൻ ഉത്തരവിട്ട് കോടതി. പുന്നപ്ര ഷജീന മൻസിലിൽ റംഷാദാണ് കഴിഞ്ഞ ഒക്ടോബറിൽ തൂങ്ങിമരിച്ചത്. മകൻ ആത്മഹത്യ ചെയ്ത സംഭവത്തിൽ മരുമകളെയും മരുമകളുടെ അമ്മയെയും മരുമകളുടെ ആൺ സുഹൃത്തിനെയും പ്രതിയാക്കണമെന്നും ആത്മഹത്യ പ്രേരണാ കുറ്റം ചുമത്തി കേസെടുക്കണമെന്നും ആവശ്യപ്പെട്ട് റംഷാദിൻ്റെ പിതാവ് കോടതിയെ സമീപിക്കുകയായിരുന്നു. ഇതെത്തുടർന്ന് അമ്പലപ്പുഴ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയാണ് അന്വേഷണത്തിന് ഉത്തരവിട്ടത്.