ചാലക്കുടിയിൽ കാറിന് നേരെ ആനയുടെ പരാക്രമം

തൃശൂർ: ചാലക്കുടിയിൽ ഏഴാറ്റുമുഖം ഗണപതിയുടെ പരാക്രമം. പ്ലാൻറേഷൻ ഭാഗത്ത് നിന്ന് അങ്കമാലിയിലേയ്ക്ക് പോയിരുന്ന കാറിന്റെ മുന്നിലേക്ക് ഏഴാറ്റുമുഖം ഗണപതി പാഞ്ഞടുക്കുകയായിരുന്നു. തലനാരിഴക്കാണ് കാറിൽ ഉണ്ടായിരുന്നവർ രക്ഷപ്പെട്ടത്.

കാലടി പ്ലാന്റേഷൻ റോഡിൽ പതിനേഴാം ബ്ലോക്കിലാണ് കാറിന് നേരെ കാട്ടാനയുടെ ആക്രമണം നടന്നത്. വ്യാഴാഴ്ച വൈകിട്ട് അഞ്ചരയ്ക്കായിരുന്നു സംഭവം. ആനയെ കണ്ട് ഭയന്ന ഡ്രൈവർ പെട്ടന്ന് കാർ പിന്നിലേക്ക് എടുത്തെങ്കിലും ആന മുന്നിലേയ്ക്ക് പാഞ്ഞടുക്കുകയായിരുന്നു.