പുത്തന്‍വേലിക്കരയില്‍ നാല് വയസുകാരിയെ പീഡിപ്പിച്ച കേസ്‌: പ്രതി അറസ്റ്റിൽ

കൊച്ചി: പുത്തന്‍വേലിക്കരയില്‍ 4 വയസുകാരിയെ പീഡിപ്പിച്ച കേസില്‍ പ്രതി സുബ്രഹ്‌മണ്യനെ ചെങ്ങമനാട് പൊലീസ് അറസ്റ്റ് ചെയ്തു. സുഹൃത്തിന്റെ മകളായ നാല് വയസുകാരിയെ പീഡിപ്പിച്ചു എന്നാണ് സുബ്രഹ്‌മണ്യനെതിരെയുള്ള കേസ്. കേസില്‍ എഫ്‌ഐആര്‍ തയ്യാറാക്കിയത് ചെങ്ങമനാട് പൊലീസാണ്. അതിന് പിന്നാലെ ഇയാള്‍ ഒളിവില്‍ പോയിരുന്നു.

ഇന്ന് ചെങ്ങമനാട് പൊലീസ് ഇയാളെ കസ്റ്റഡിയിലെടുത്തിരുന്നു. നാലു വയസുകാരിയെ പീഡിപ്പിച്ചത് ചോദ്യം ചെയ്ത കുഞ്ഞിന്റെ പിതാവിനെ സുബ്രഹ്‌മണ്യനും കുടുംബവും ചേര്‍ന്ന് മര്‍ദിച്ചതായും ആരോപണമുണ്ട്. ഇയാള്‍ മേക്കപ്പ് കലാകാരന്‍മാരുടെ സംഘടനയും സംസ്ഥാന തല ഭാരവാഹി കൂടിയാണ്.