അപ്‌ഡേറ്റ് ചെയ്ത OBD2B കംപ്ലയിൻ്റ് എഞ്ചിൻ; പുതിയ ഡിയോയുമായി ഹോണ്ട

ഹോണ്ടയുടെ ജനപ്രിയ ഡിയോ സ്‌കൂട്ടറിൻ്റെ 2025 മോഡൽ ഇന്ത്യൻ വിപണിയിൽ അവതരിപ്പിച്ചു. പുതിയ മോഡലിൻ്റെ എക്‌സ് ഷോറൂം വില 74,930 രൂപയാണ്. നിലവിലെ മോഡലിനെക്കാൾ ഏകദേശം 1500 രൂപ വില കൂടുതലാണ് പുതിയ മോഡലിന്. 2025 പതിപ്പിൽ, ജാപ്പനീസ് കമ്പനി അപ്‌ഡേറ്റ് ചെയ്ത OBD2B കംപ്ലയിൻ്റ് എഞ്ചിൻ നൽകിയിട്ടുണ്ട്.

സിവിടി ഗിയർബോക്‌സിൽ മാറ്റമൊന്നും വരുത്തിയിട്ടില്ല. മൈലേജ് കണക്കുമായി ബന്ധപ്പെട്ട വിവരങ്ങളും കമ്പനി പുറത്തുവിട്ടിട്ടില്ല2025 ഡിയോ സ്‌കൂട്ടറിൻ്റെ സവിശേഷതകളെക്കുറിച്ച് പറയുകയാണെങ്കിൽ, ഇതിന് 4.2 ഇഞ്ച് ടിഎഫ്‍ടി ഇൻസ്ട്രുമെൻ്റ് ക്ലസ്റ്ററാണുള്ളത്. ഈ ക്ലസ്റ്റർ ദൂരം, ട്രിപ്പ് മീറ്റർ, ഇക്കോ ഇൻഡിക്കേറ്റർ എന്നിങ്ങനെ ധാരാളം റൈഡ് ഡാറ്റ കാണിക്കുന്നു. ഇതിന് ഒരു ടൈപ്പ് സി ചാർജിംഗ് പോർട്ടും ഉണ്ട്, അത് സ്റ്റാൻഡേർഡായി ലഭ്യമാണ്.
കൂടാതെ STD, DLX എന്നീ രണ്ട് വേരിയൻ്റുകളിലാണ് പുതിയ ഡിയോ വിപണിയിലെത്തുന്നത്. 85,648 രൂപയ്ക്കാണ് ഡിഎൽഎക്സ് വിൽക്കുന്നത്.

എല്ലാ സവിശേഷതകളും മികച്ച ഗ്രാഫിക്സും ഇതിനുണ്ട്. ഇതിനോടകം തന്നെ ഇന്ത്യയിലുടനീളം സ്കൂട്ടറിൻ്റെ ബുക്കിംഗും ആരംഭിച്ചു കഴിഞ്ഞു. ഡെലിവറി ഈ മാസം അവസാനത്തോടെ ആരംഭിക്കുമെന്നാണ് പ്രതീക്ഷിക്കുന്നത്.