സൗദിയിൽ വാഹനാപകടം; ഇടുക്കി സ്വദേശികളായ ദമ്പതിമാർക്ക് പരിക്ക്

റിയാദ്: സൗദിയിൽ വാഹനാപകടത്തിൽ ഇടുക്കി സ്വദേശികളായ ദമ്പതിമാർക്ക് പരിക്ക്. സൗദിയിലെ ടൂറിസം കേന്ദ്രമായ അബഹയിലെ അൽസുദ പർവതനിരയിൽ ഇവർ സഞ്ചരിച്ചിരുന്ന വാഹനം എതിരെ വന്ന വാഹനവുമായി കൂട്ടിയിടിച്ചാണ് അപകടം.

ഇടിയിൽ വാഹനം പൂർണമായി തകർന്നു. ബുറൈദയിലെ സുലൈമാൻ അൽഹബീബ് ആശുപത്രി ജീവനക്കാരൻ അനീഷ് ജോർജ്, കിങ് ഫഹദ് ആശുപത്രിയിൽ ഐ.സി.യു സ്റ്റാഫ് നഴ്സ് അബി മോൾ എന്നിവർക്കാണ് പരിക്കേറ്റത്. അനീഷ് ജോർജിന് കാലിനും അബിമോൾക്ക് കൈക്കുമാണ് പരിക്ക്. അപകടത്തെ തുടർന്ന് ഇവരെ സൗദി സുരക്ഷാ ഉദ്യോഗസ്ഥരാണ് അബഹയിലെ സ്വകാര്യ ആശുപത്രിയിലെത്തിച്ചത്.