ബറോസ് മാത്രമല്ല മോഹൻലാലിന്റെ ക്രിസ്മസ് സമ്മാനങ്ങളുടെ കൂട്ടത്തിൽ ഗ്ലോറിയയുമുണ്ട് ; വൈറലായി ഗാനം

ബറോസിന് പിന്നാലെ വീണ്ടുമൊരു ക്രിസ്മസ് സമ്മാനം പ്രേക്ഷകർക്കായി നൽകി മോഹൻലാൽ. ഡിസംബർ 25 ന് ബറോസ് തിയറ്ററുകളിലെത്തുന്നതിന് മുന്നോടിയായി ക്രിസ്മസ് ഗാനം പുറത്തിറക്കി ആശീർവാദ് മൂവീസ്. ‘ഗ്ലോറിയ’ എന്ന് പേര് നൽകിയിരിക്കുന്ന കരോൾ ഗാനം ആലപിച്ചിരിക്കുന്നത് മോഹൻലാൽ ആണ്.

പ്രഭാ വർമ്മയുടെ വരികൾക്ക് ജെറി അമൽദേവ് ഈണം പകർന്ന ഗാനം മണിക്കൂറുകൾക്കുള്ളിൽ തന്നെ പ്രേക്ഷക പ്രശംസ പിടിച്ചുപറ്റി. ടികെ രാജീവ് കുമാറാണ് വിഷ്വലൈസേഷൻ നിർവഹിച്ചിരിക്കുന്നത്. ജെബിൻ ജേക്കബ് ക്യാമറയും ഡോൺ മാക്‌സ്‌ എഡിറ്റിങും നിർവഹിച്ചിരിക്കുന്നു.

എക്സിക്യൂട്ടീവ് പ്രൊഡ്യൂസർ: എം ബി സനിൽ കുമാർ, വിഷ്വൽ ആനിമേറ്റർ: സഞ്ജയ് സുരേഷ്, പ്രൊഡക്ഷൻ ഡിസൈനർ: സന്തോഷ് രാമൻ, വിഷ്വൽ ഡിസൈനർ: റാസി മുഹമ്മദ്