എഴുമറ്റൂരിൽ രണ്ടുപേരെ തെരുവുനായ ആക്രമിച്ചു

എഴുമറ്റൂർ : എഴുമറ്റൂരിൽ രണ്ടുപേരെ തെരുവുനായ ആക്രമിച്ചു. ചുമട്ടുതൊഴിലാളി ചെമ്പോത്തിനാൽ സാംകുട്ടി(57), പെട്രോൾ പമ്പ് ജീവനക്കാരൻ സുരേഷ് (55) എന്നിവർക്കാണ് തെരുവുനായയുടെ ആക്രമണത്തിൽ പരിക്കേറ്റത്.

സാംകുട്ടിയെ കോഴഞ്ചേരി ജില്ലാ ആശുപത്രിയിലും സുരേഷിനെ മല്ലപ്പള്ളി താലൂക്ക് ആശുപത്രിയിലും പ്രവേശിപ്പിച്ചു. തൊട്ടടുത്ത സ്ഥലമായ വായ്പൂരിൽ കഴിഞ്ഞദിവസം 12 പേരെയാണ് തെരുവുനായ ആക്രമിച്ചത്.ഈ പ്രദേശത്ത് തെരുവ് നായ ആക്രമണം രൂക്ഷമാണ്.