ഡെങ്കിപ്പനി ബാധിച്ച് ഫോര്‍ട്ട്കൊച്ചിയിൽ വിദേശി മരിച്ചു

കൊച്ചി:ഫോര്‍ട്ട് കൊച്ചിയിൽ ഡെങ്കിപ്പനി ബാധിച്ച് വിദേശി മരിച്ചു. അയര്‍ലന്‍ഡ് സ്വദേശി ഹോക്കോ ഹെന്‍ക്കോ റയ്ൻ സാദ് ആണ് മരിച്ചത്. 75 വയസായിരുന്നു.

വിദേശത്തുനിന്നും എത്തിയ അദ്ദേഹം കുറച്ചു ദിവസങ്ങളായി ഫോര്‍ട്ടുകൊച്ചിയിലെ കുന്നുംപുറത്തെ ഹോം സ്റ്റേയിലായിരുന്നു താമസിച്ചിരുന്നത്. പനിബാധിച്ചതിനെ തുടര്‍ന്നാണ് ആശുപത്രിയിൽ ചികിത്സ തേടിയത്. തുടര്‍ന്ന് ഡെങ്കിപ്പനിയാണെന്ന് സ്ഥിരീകരിച്ചത്തിനു പിന്നാലെ ആരോഗ്യനില വഷളാകുകയും മരണം സംഭവിക്കുകയും ചെയ്തു.