കോട്ടയത്തെ യുവ വൈദികൻ ഓടിച്ച വാഹനം അപകടത്തിൽപ്പെട്ടു ; ബൈക്ക് യാത്രികനും കാർ യാത്രികനും അത്ഭുതകരമായി രക്ഷപെട്ടു

കൊച്ചി: കോട്ടയത്തെ പ്രശസ്‌തനായ യുവ വൈദികൻ ഫാ. ജോയിസ് നന്ദികുന്നേലാണു ഓടിച്ചിരുന്ന കാറാണ് നിയന്ത്രണം നഷ്ടമായി അപകടത്തിൽ പെട്ടത്. പെരുമ്പാവൂർ കുറുപ്പുംപടിയിൽ നിയന്ത്രണം നഷ്‌ടമായ കാർ ബൈക്ക് യാത്രക്കാരനെ ഇടിച്ചു വീഴ്ത്തിയ ശേഷം കെഎസ്ഇബിയുടെ പോസ്റ്റിൽ ഇടിച്ചു മറിഞ്ഞു.അപകടത്തിൽ വൈദ്യുത പോസ്റ്റ് ഒടിഞ്ഞു കാറിനു മുകളിലേക്ക് വീണെങ്കിലും കാർ യാത്രികൻ നിസാര പരുക്കുകളോടെ രക്ഷപെട്ടു.

കെ.എൽ. 05 എ.എക്‌സ് 9173 എന്ന നമ്പറിലുള്ള എർട്ടിഗ കാർ ആണ് അപകടത്തിൽപ്പെട്ടത്. അപകടസമയം വൈദികൻ മദ്യലഹരിയിലായിരുന്നുവെന്നു നാട്ടുകാർ ആരോപിച്ചു.അപകടകരമായ രീതിയിൽ പാഞ്ഞ വാഹനം കണ്ട് പിന്നാലെ കാറിൽ പിന്തുടർന്ന യുവാക്കൾ പകർത്തിയ വീഡിയോ ദൃശ്യങ്ങളും ഇതിനോടകം സാമൂഹ്യമാധ്യമങ്ങളിൽ പ്രചരിക്കുന്നുണ്ട്. അപകടത്തെ തുടർന്ന് ബോധരഹിതനായ വൈദികനെ പെരുമ്പാവൂർ കുറുപ്പുംപടി പോലീസ് ആശുപത്രിയിൽ പ്രവേശിപ്പിച്ചു. പിന്നീട് ഇദ്ദേഹത്തെ കോട്ടയം കാരിത്താസ് ആശുപത്രിയിലേക്കു മാറ്റി.

റോഡിലൂടെ ഏറെ ദൂരം തലങ്ങും വിലങ്ങും ഓടിച്ചുപോയി ഒടുവിൽ നിയന്ത്രണം നഷ്ട‌മായി ബൈക്ക് യാത്രികനെ ഇടിച്ചു വീഴ്ത്തുകയായിരുന്നു. പിന്നാലെ ഉണ്ടായിരുന്ന കാറിലെ യാത്രക്കാരാണ് അപകടം മണത്ത് പിന്നിൽ നിന്നും ദൃശ്യങ്ങൾ പകർത്തിയത്.ഏറെ ദൂരം മുന്നോട്ടുപോയ കാർ ടാങ്കർ ലോറി ഉൾപ്പടെ എതിരെ വന്ന വാഹനങ്ങളെ ഇടിക്കാൻ പോയ ശേഷമാണ് ഒടുവിൽ ബൈക്ക് യാത്രികനെ ഇടിച്ചു വീഴ്ത്തിയശേഷം പോസ്റ്റിക്കേ് പാഞ്ഞു കയറിയത്. ബൈക്ക് യാത്രികൻ അത്ഭുതകരമായി രക്ഷപെടുകയായിരുന്നു.