ലോറിയിലിടിച്ച് ഇന്നോവ കാറിന് തീപിടിച്ചു

കോഴിക്കോട്: അപകടത്തിൽപെട്ട ഇന്നോവ കാറിന് തീപിടിച്ചു.മുക്കം പി.സി ജംഗ്ഷനിലാണ് അപകടം ഉണ്ടായത്. അരീക്കോട് ഭാഗത്തുനിന്ന് മുക്കത്തേക്ക് വന്ന ഇന്നോവ കാര്‍ നിര്‍ത്തിയിട്ട പിക്കപ്പ് ലോറിയില്‍ ഇടിച്ചാണ് തീപിടിച്ചത്.

ഇന്ന് പുലര്‍ച്ചെ അഞ്ചരയോടെയായിരുന്നു സംഭവം. മുക്കം മാങ്ങാപ്പൊയില്‍ സ്വദേശിയുടേതാണ് കാര്‍. അപകടത്തിൽ ആർക്കും പരിക്കില്ല. സംഭവ സ്ഥലത്ത് അഗ്നിശമന സേന എത്തി തീയണച്ചു.