നവകേരള സദസ് പ്രതിഷേധം” ആറ്റിങ്ങലിൽ പരസ്പരം വീടുകള്‍ ആക്രമി യൂത്ത് കോണ്‍ഗ്രസ്-ഡിവൈഎഫ്ഐ പ്രവര്‍ത്തകര്‍

നവകേരള സദസ് തുടനകിയത് മുതൽ കേരളത്തിൽ പലയിടത്തും ഡിവൈഎഫ്ഐ യൂത്ത് കോണ്‍ഗ്രസ് പ്രവര്ത്തകര് തമ്മിൽ ഏറ്റുമുട്ടി. മുഖ്യമന്ത്രിയുടെ വാഹനം വരുമ്പോൾ കരിങ്കൊടി കാണിക്കുന്ന കോൺഗ്രസ് പ്രവർത്തകരെ ഡിവൈഎഫ്ഐ പ്രവർത്തകർ മർദിക്കുന്നതു നിത്യ സംഭവമായി. ഇപ്പോൾ ആറ്റിങ്ങലില്‍ ആണ് ആക്രമണം ഉണ്ടായിരിക്കുന്നത്. പ്രതിഷേധങ്ങള്‍ക്കിടെയുള്ള സംഘര്‍ഷം വീടുകളിലേക്ക്എത്തിയിരിക്കുകയാണ് .

ഡിവൈഎഫ്ഐ പ്രവര്‍ത്തകര്‍ ആറ്റിങ്ങലില്‍ യൂത്ത് കോണ്‍ഗ്രസ് നേതാവിന്‍റെ വീടു കയറി ആക്രമിച്ചതിന് പിന്നാലെ യൂത്ത് കോണ്‍ഗ്രസ് പ്രവര്‍ത്തകര്‍ ആറ്റിങ്ങല്‍ നഗരസഭ സ്റ്റാന്‍ഡിങ് കമ്മിറ്റി ചെയര്‍മാന്‍റെ വീട് ആക്രമിച്ചു. യൂത്ത് കോണ്‍ഗ്രസ്-ഡിവൈഎഫ്ഐ പ്രവര്‍ത്തകര്‍ ആറ്റിങ്ങലില്‍ പരസ്പരം വീടുകള്‍ ആക്രമിച്ചുകൊണ്ടാണ് ഏറ്റുമുട്ടിയത്.

വ്യാപക സംഘ‍ർഷമാണ് വെഞ്ഞാറമൂട്, ആറ്റിങ്ങല്‍ ഭാഗങ്ങളിൽ ഇന്നലെ നടന്നത്. അടിച്ച് തകർത്തത് മൂന്നു വീടുകളാണ് . പൊലീസ് കാവലുണ്ടായിട്ടും മുഖ്യമന്ത്രിയെ കരിങ്കൊടി കാണിച്ച യൂത്ത് കോൺഗ്രസ് ആറ്റിങ്ങൽ നിയോജക മണ്ഡലം പ്രസിഡന്‍റ് സുഹൈലിന്‍റെ വീടിന്, സംഘമായി എത്തിയ 20ലധികം ഡിവൈഎഫ്ഐ- സിപിഎം പ്രവർത്തകർ ആക്രമിച്ചു. ഇതിന് പകരമായി ആറ്റിങ്ങലിൽ തുടർന്ന് യൂത്ത് കോൺഗ്രസ് പ്രവർത്തകർ പ്രകടനം നടത്തി.