എഞ്ചിനീയറിംഗ് വിഭാഗത്തില്‍ അപ്രന്റീസ് ട്രെയിനി

ആലപ്പുഴ : ആലപ്പുഴ ജില്ലയില്‍ ഗ്രാമപഞ്ചായത്തുകളില്‍ താമസിക്കുന്നതും സിവില്‍ സ്ട്രീമില്‍ ഐ.ടി.ഐ, മൂന്ന് വര്‍ഷ ഡിപ്ലോമ, ബിടെക് എന്നീ കോഴ്സുകള്‍ പാസായവരുമായ പട്ടികജാതി വിഭാഗം യുവതീ യുവാക്കള്‍ക്ക് 2024-25 വര്‍ഷം ആലപ്പുഴ ജില്ലാ പഞ്ചായത്ത് മുഖേന അപ്രന്റീസ് ട്രെയിനിയായി സ്റ്റൈപെന്റോടുകൂടി തദ്ദേശസ്വയം ഭരണവകുപ്പിന്റെ എഞ്ചിനീയറിംഗ് വിഭാഗത്തില്‍ നിയമനം നല്‍കുന്നു.

ജാതി, വരുമാന സര്‍ട്ടിഫിക്കറ്റുകള്‍, ആധാര്‍കാര്‍ഡിന്റെ പകര്‍പ്പ്, യോഗ്യത തെളിയിക്കുന്ന സര്‍ട്ടിഫിക്കറ്റ് പകര്‍പ്പ്, എസ്എസ്എല്‍സി സര്‍ട്ടിഫിക്കറ്റ് പകര്‍പ്പ്, ടി. സി, ഫോണ്‍ നമ്പര്‍ എന്നിവ സഹിതം നിര്‍ദ്ദിഷ്ട മാതൃകയില്‍ തയ്യാറാക്കിയ അപേക്ഷ ഒക്ടോബര്‍ 30 ന് മുമ്പായി ആലപ്പുഴ ജില്ലാ പട്ടികജാതി വികസന ഓഫീസില്‍ ഹാജരാക്കേണ്ടതാണ്. കൂടുതല്‍ വിവരങ്ങള്‍ക്ക് ഫോണ്‍: 0477-2252548.