ഡ്രോണുകൾ ഉപയോഗിച്ച് ചൈന ഇന്ത്യൻ പ്രദേശങ്ങളിൽ ചാരവൃത്തി നടത്തുന്നുവെന്ന് ഹിമാചൽ മന്ത്രി

കിന്നൗറിലെ ഇന്ത്യ-ചൈന അതിർത്തിയിൽ ഡ്രോണുകൾ പതിവായി പറക്കുന്നതായി ശ്രദ്ധയിൽ പെട്ടിട്ടുണ്ടെന്നും ഇത് ഗുരുതരമായ ആശങ്കകൾക്ക് ഇടയാക്കുന്നതായും ഹിമാചൽ പ്രദേശിലെ ട്രൈബൽ ഡെവലപ്‌മെന്റ്, റവന്യൂ, ഹോർട്ടികൾച്ചർ മന്ത്രി ജഗത് സിംഗ് നേഗി പറഞ്ഞു.
ഈ ഡ്രോൺ നുഴഞ്ഞുകയറ്റങ്ങൾ കാരണം മേഖലയിലെ തരിശുഭൂമിയിലെ പ്രവർത്തനങ്ങൾ താൽക്കാലികമായി നിർത്തിവച്ചിരിക്കുകയാണെന്നും, കേന്ദ്ര ഏജൻസികളും കേന്ദ്ര സർക്കാരും പ്രശ്നം വേണ്ടത്ര അഭിസംബോധന ചെയ്യുന്നില്ലെന്നും അദ്ദേഹം ആരോപിച്ചു. “ഭാരത് മാതാ കീ ജയ്” എന്ന മുദ്രാവാക്യം വിളിച്ചാൽ മാത്രം പോരാ എന്ന് അദ്ദേഹം ഊന്നിപ്പറഞ്ഞു; രാജ്യത്തെ യഥാർത്ഥത്തിൽ സംരക്ഷിക്കുന്നതിന് ചൈനയുടെ നുഴഞ്ഞുകയറ്റം തടയാൻ ശക്തമായ നടപടികൾ കൈക്കൊള്ളണം.”ചൈനയുമായി അതിർത്തി തൊടുന്ന ഹിമാചൽ പ്രദേശിലെ ചില പ്രദേശങ്ങളിൽ, നിർമ്മാണങ്ങൾ നടന്നിട്ടുണ്ട്, മറുവശത്ത് നിന്ന്,ചൈന ഡ്രോണുകൾ വഴി ചാരപ്പണി നടക്കുന്നതായി തോന്നുന്നു. ലോക്കൽ ഇന്റലിജൻസ്, ഇന്റലിജൻസ് ബ്യൂറോ എന്നിവരുടെ ശ്രദ്ധയിൽ ഈ പ്രശ്നം കണ്ടിട്ടുണ്ടെങ്കിലും ഡ്രോണുകൾ അവിടെ ഇടയ്ക്കിടെ ഇപ്പോഴും കാണപ്പെടുന്നത് ആശങ്കേയറ്റുന്ന കാര്യം തന്നെയാണെന്നും മന്ത്രി പറയുന്നു. എന്തുകൊണ്ടാണ് കേന്ദ്രസർക്കാർ നടപടികളൊന്നും നടപ്പാക്കാത്തതെന്ന് നേഗി ചോദിച്ചു.

അതിർത്തി പ്രദേശം കേന്ദ്ര ഏജൻസികൾ കർശനമായി നിരീക്ഷിക്കുന്നതിനാൽ ചൈനയല്ലാതെ മറ്റെവിടെ നിന്നും ഈ ഡ്രോണുകൾ വരുമെന്നതിൽ തർക്കമില്ല. ഈ ഡ്രോണുകൾ കാണുന്ന സ്ഥലങ്ങളുടെ മറുവശത്ത് ചൈനയാണ്. ചൈനയുടെ നുഴഞ്ഞുകയറ്റത്തിൽ ലഡാക്കിൽ ഇതിനകം 4,000 ചതുരശ്ര കിലോമീറ്റർ ഭൂമി നഷ്ടപ്പെട്ടതിനാൽ അടിയന്തര നടപടി സ്വീകരിക്കണം,” അദ്ദേഹം കൂട്ടിച്ചേർത്തു.ഹിമാചൽ പ്രദേശിലെ മറ്റൊരു അതിർത്തി പ്രദേശമായ സ്പിതിയെക്കുറിച്ച് നേഗി മുമ്പ് സമാനമായ ആശങ്കകൾ ഉന്നയിച്ചിരുന്നു.