ജൂനിയർ എൻ.ടി.ആർ ബോളിവുഡിലേക്ക്

ചെന്നൈ : ബോളിവുഡിൽ അരങ്ങേറ്റം കുറിക്കാൻ ജൂനിയർ എൽ.ടി.ആർ. ഹൃത്വിക് റോഷനൊപ്പം വാർ 2 എന്ന ചിത്രത്തിലാണ് ജൂനിയർ എൻ.ടി.ആർ എത്തുന്നത് . ഹൃത്വിക് റോഷനും ജൂനിയർ എൻ.ടി.ആറും ഒരുമിക്കുന്ന നൃത്ത രംഗങ്ങൾ ചിത്രത്തിന്റെ ഹൈലൈറ്റായിരിക്കും.

വൈഭവി മെർച്ചന്റാണ് ഡാൻസ് കൊറിയോഗ്രഫി.2019 ൽ റിലീസ് ചെയ്ത വാർ എന്ന ചിത്രത്തിന്റെ തുടർച്ചയാണ് വാർ 2. യഷ് രാജ് ഫിലിംസിന്റെ സ്പൈ യൂണിവേഴ്സിലെ ആറാമത്തെ ചിത്രമാണ്. അയൻ മുഖർജി സംവിധാനം ചെയ്യുന്ന ചിത്രം 2025 സ്വാതന്ത്ര്യദിനത്തോടനുബന്ധിച്ച് റിലീസ് ചെയ്യും.അതേസമയം സിദ്ധാർത്ഥ് ആനന്ദ് ആണ് വാർ സംവിധാനം ചെയ്തത്.