ഉപ്പള നദിയിലെ ജലനിരപ്പ് ഉയർന്നു; ജാഗ്രതാ നിർദേശം

കാസർകോട്: കാസർകോട് ജില്ലയിലെ ഉപ്പള നദിയിലെ ജലനിരപ്പ് ഉയരുന്നതായി റിപ്പോർട്ട്.

സംസ്ഥാന ജലസേചന വകുപ്പിൻറെ ഉപ്പള സ്റ്റേഷനിൽ ജലനിരപ്പ് മുന്നറിയിപ്പ് പരിധി കവിഞ്ഞതിനാൽ ഉപ്പള നദിക്കരയിൽ താമസിക്കുന്നവർ ജാഗ്രത പാലിക്കണമെന്ന് അധികൃതർ അറിയിച്ചു.

യാതൊരു കാരണവശാലും നദികളിൽ ഇറങ്ങാനോ നദി മുറിച്ചു കടക്കാനോ പാടില്ല. തീരത്തോട് ചേർന്ന് താമസിക്കുന്നവർ ജാഗ്രത പാലിക്കണം.

അധികൃതരുടെ നിർദേശാനുസരണം പ്രളയ സാധ്യതയുള്ളയിടങ്ങളിൽ നിന്ന് മാറി താമസിക്കാൻ തയ്യാറാവണമെന്നും അറിയിപ്പിൽ പറയുന്നു.