കുടുംബശ്രീയുടെ ആഭിമുഖ്യത്തില്‍ ‘പ്രകൃതിയോടൊപ്പം’ പദ്ധതിക്ക്് തുടക്കമായി

ഗോത്ര സമൂഹത്തെ മുഖ്യ ധാരയില്‍ കൊണ്ടുവരുന്നതിന് കൂടുതല്‍ പിന്തുണയും, സഹായവും അവര്‍ക്ക് നല്‍കേണ്ടതായിട്ടുണ്ട്. അതിനു നേതൃത്വം നല്‍കിയ കുടുംബശ്രീ മിഷന് പ്രത്യേക അഭിനന്ദനവും എം.എല്‍.എ അറിയിച്ചു. ഗോത്ര ജനതയുടെ സംസ്‌കാരവും ജീവിത സാഹചര്യവും മാറ്റി കൊണ്ടുള്ള പദ്ധതികളൊ പ്രവര്‍ത്തനമോ സാധ്യമാകില്ല മറിച്ച് അവര്‍ക്ക് അനുയോജ്യമായ ആവശ്യങ്ങള്‍ മനസിലാക്കി പ്രവര്‍ത്തിക്കുമ്പോള്‍ മാത്രമാണ് ആവരിലേക്ക് ചേര്‍ന്ന് നില്‍ക്കാന്‍ സാധിക്കുകയെന്നും അതിന്റെ ആരംഭമാണ് ആയുര്‍വേദ മെഡിക്കല്‍ ക്യാമ്പെന്നും എം.എല്‍.എ പറഞ്ഞു.

കിഴക്കഞ്ചേരി ഗ്രാമ പഞ്ചായത്ത് പ്രസിഡന്റ് കവിത മാധവന്‍ അധ്യക്ഷയായി. കുടുംബശ്രീ ജില്ലാ മിഷന്‍ അസിസ്റ്റന്റ് കോര്‍ഡിനേറ്റര്‍ എന്‍.ഉണ്ണികൃഷ്ണന്‍ സ്വാഗതം പറഞ്ഞ പരിപാടിയില്‍ പഞ്ചായത്ത് വൈസ് പ്രസിഡന്റ് കെ രാധാകൃഷ്ണന്‍, സ്റ്റാന്‍ഡിങ് കമ്മിറ്റി ചെയര്‍മാന്മാരായ രതിക മണികണ്ഠന്‍, രാജി കൃഷ്ണന്‍കുട്ടി, കെ രവീന്ദ്രന്‍, മുന്‍ വൈസ് പ്രസിഡന്റ് കലാധരന്‍,കുടുംബശ്രീ ജില്ലാ പ്രോഗ്രാം മാനേജര്‍ ഡാന്‍ ജെ വട്ടോളി,കുടുംബശ്രീ സി ഡി എസ് ചെയര്‍പേഴ്സണ്‍ സുശീല രാജു, ആയുര്‍വേദ മെഡിക്കല്‍ ഓഫീസര്‍ ജെനിന്‍,ഗോത്ര മേഖല മൂപ്പന്‍ അച്യുതന്‍ തുടങ്ങിവയര്‍ ആശംസകള്‍ അറിയിച്ചു.പരിപാടിയില്‍ പങ്കെടുത്ത എല്ലാവര്‍ക്കും കുടുംബശ്രീ ജന്‍ഡര്‍ പ്രോഗ്രാം മാനേജര്‍ ഗ്രീഷ്മ നന്ദി പറഞ്ഞു. കുടുംബശ്രീ സ്നേഹിത ഉദ്യോഗസ്ഥര്‍, കുടുംബശ്രീ മറ്റു ചുമതല വഹിക്കുന്നവര്‍ ഗോത്ര മേഖല നിവാസികള്‍ തുടങ്ങി 200 ഓളം പേര്‍ പങ്കെടുത്തു.ഉദ്ഘാടനം കഴിഞ്ഞു ആയുര്‍വേദ ഡോക്ടര്‍ ജെനിന്റെ നേതൃത്വത്തില്‍ മെഡിക്കല്‍ ക്യാമ്പ് സംഘടിപ്പിച്ച് മരുന്ന് വിതരണം നടത്തി.