ടയർ ഷോറൂമിൽ 
തീപിടിത്തം; രക്ഷാപ്രവർത്തനത്തിൽ താങ്ങായി എ എ റഹിം എംപി

ആലുവ: ടയർ ഷോറൂമിൽ ഉണ്ടായ തീപിടുത്തതിൽ രക്ഷാപ്രവർത്തനവുമായി എ എ റഹിം എംപി. ആലുവ കമ്പനിപ്പടി ജങ്‌ഷനിലെ ഗ്ലോബൽ ടയേഴ്‌സ് ഷോറൂമിന്റെ മുകൾഭാഗത്താണ്‌ ഞായർ രാത്രി ഏഴിന് തീപിടുത്തo ഉണ്ടായത് . തീപിടിത്തം ശ്രദ്ധയിൽപ്പെട്ട ജീവനക്കാരൻ ഉടൻ തീ നിയന്ത്രിക്കാൻ ശ്രമിച്ചെങ്കിലും പരാജയപ്പെടുകയായിരുന്നു . ഇതേസമയം ഇതുവഴി പോയ എ എ റഹിം രക്ഷാപ്രവർത്തനങ്ങൾക്ക് നേതൃത്വം നൽകുകയും . എംപിതന്നെ അഗ്നി രക്ഷാസേനയെ വിളിച്ചു. തീ പടരാതിരിക്കാൻ ഇദ്ദേഹത്തിന്റെ നേതൃത്വത്തിൽ
വേണ്ട മുൻകരുത്തൽ എടുത്തു .  എന്നിട്ട് ഉടൻ ആലുവയിൽനിന്ന്‌ അഗ്നിരക്ഷാസേനയെത്തി അരമണിക്കൂറിൽ തീ നിയന്ത്രണവിധേയമാക്കി. ശേഷo തീ അണച്ചതിന് ശേഷമാണ് എംപി മടങ്ങി പോയത് . റഹിം ചേർത്തലയിലെ പൊതുപരിപാടിയിൽ പങ്കെടുത്തശേഷം ഡൽഹിയിലേക്ക് പോകാനായി കൊച്ചി വിമാനത്താവളത്തിലേക്കുള്ള യാത്രയിലായിരുന്നു .  കടയുടെ മുകളിൽ സ്ഥാപിച്ചിക്കുന്ന എൽഇഡി ബോർഡിൽനിന്ന് തീ പടർന്നുവെന്നാണ്‌ നിഗമനം . രക്ഷാപ്രവർത്തനത്തിൽ ആലുവ അഗ്നി രക്ഷാസേനയിലെ അസി. സ്റ്റേഷൻ ഓഫീസർ എം ജി ബിജു, പി എൻ ശ്രീനിവാസൻ, എസ് രാജേഷ്, എസ് എസ് അജയ്,  പി എൻ അഭിലാഷ് എന്നിവരാണ് നേതൃത്വം നൽകിയത് .