സംസ്‌കൃത സർവകലാശാലഃ നാല് വർഷ ബിരുദ ക്ലാസുകൾ ജൂലൈ ഒന്നിന് തുടങ്ങും

ശ്രീശങ്കരാചാര്യ സംസ്‌കൃത സർവകലാശാലയുടെ നാല് വർഷ ബിരുദ പ്രോഗ്രാമുകളിലേയ്ക്കുളള ക്ലാസ്സുകൾ ജൂലൈ ഒന്നിന് തുടങ്ങും. ഒന്നാം അലോട്ട്മെന്റ് ലിസ്റ്റ് പ്രസിദ്ധീകരിച്ചു. പ്രാദേശിക കേന്ദ്രങ്ങളിലും പഠന വകുപ്പുകളിലും ഹെൽപ്പ് ഡെസ്കുകൾ ഒരുക്കിയിട്ടുണ്ട്. പ്രവേശനത്തിന് അർഹരായ വിദ്യാർത്ഥികൾ സ്റ്റുഡന്റ്സ് പോർട്ടലിൽ നിന്നും അവർക്ക് ലഭിച്ച നമ്പറും പാസ്‍വേഡും ഉപയോഗിച്ച് അഡ്മിഷൻ മെമ്മോ ഡൗൺലോഡ് ചെയ്ത് ജൂൺ 26, 27 തീയതികളിൽ ഇന്റർവ്യൂവിന് ഹാജരാകേണ്ടതാണെന്ന് സർവ്വകലാശാല അറിയിച്ചു.