മാവോയിസ്റ്റുകളും സുരക്ഷസേനയും തമ്മിൽ ഏറ്റുമുട്ടൽ; ഛത്തീസ്ഗഡിൽ എട്ട് മാവോയിസ്റ്റുകളെ വധിച്ചു, ഒരു ജവാന് വീരമൃത്യു

ഡൽഹി: ഛത്തീസ്ഗഡിലെ നാരായൺപൂരിൽ മാവോയിസ്റ്റുകളും സുരക്ഷസേനയും തമ്മിൽ ഏറ്റുമുട്ടൽ. എട്ട് മാവോയിസ്റ്റുകളെ സുരക്ഷസേന വധിച്ചു. ഏറ്റുമുട്ടലിൽ ഒരു ജവാൻ വീരമൃത്യു വരിക്കുകയും രണ്ട് ജവാൻമാർക്ക് പരിക്കേൽക്കുകയും ചെയ്തിട്ടുണ്ട്. നാരായൺപൂരിലെ അബൂജ്‍മാണ്ഡ് വനമേഖലയിൽ ആണ് ഏറ്റുമുട്ടൽ നടന്നത്. പ്രദേശത്ത് ഇപ്പോഴും വെടിവെപ്പ് തുടരുകയാണ്. നാരായൺപൂർ, കാങ്കർ, ദന്തേവാഡ, കൊണ്ടാഗാവ് മേഖലയിലുള്ള സുരക്ഷസേന സംഘമാണ് ദൗത്യത്തിൽ പങ്കെടുക്കുന്നത്.