എൻ സി ഡി സി മോണ്ടിസോറി അധ്യാപക പരിശീലന കോഴ്സിൻ്റെ 79-ാമത് ഓൺലൈൻ ബാച്ച് ഉദ്ഘാടനം നിർവഹിക്കുന്നു

കൊല്ലം : നാഷണൽ ചൈൽഡ് ഡെവലപ്‌മെൻ്റ് കൗൺസിൽ (NCDC) 2024 ജൂൺ 15-ന് രാവിലെ 10 മണിക്ക് എൻ സി ഡി സി മോണ്ടിസോറി അധ്യാപക പരിശീലന കോഴ്സിൻ്റെ 79-ാമത് ഓൺലൈൻ ബാച്ചിൻ്റെ ഉദ്ഘാടനം നിർവഹിക്കുന്നു. സൂം മീറ്റിൽ തത്സമയമായാണ് ഉദ്ഘാടനം നടക്കുക. യുകെയിലെ വെയിൽസ് സർവകലാശാലയിൽ നിന്ന് എംബിഎ ബിരുദധാരിയും കോയമ്പത്തൂരിലെ ഹെലൻ ഒഗ്രാഡി ഇൻ്റർനാഷണൽ പ്രീ സ്കൂൾ ഡയറക്ടറുമായ ക്രിസ്റ്റി സാമുവൽ ആണ് ഉദ്ഘടനം ചെയ്യുന്നത്. എൻസിഡിസിയുടെ മാസ്റ്റർ ട്രെയിനർ ബാബ അലക്‌സാണ്ടർ പരിപാടിയുടെ മുഖ്യപ്രഭാഷകൻ ആയിരിക്കും. പ്രസ്തുത ബാച്ചിൻ്റെ ഫാക്കൽറ്റിയായ പി.ആനന്ദി അധ്യക്ഷത വഹിക്കുന്ന പരിപാടിയിൽ എൻസിഡിസി 79-ാം ബാച്ചിൻ്റെ ഇവാലുവേറ്റർ ബിന്ദു എസ് ആശംസകൾ അറിയിക്കും. കൂടാതെ മുൻ വിദ്യാർത്ഥികളുടെ കലാപരിപാടികളും കോഴ്സിനെ കുറിച്ചുള്ള അനുഭവം പങ്കുവെക്കലും ഉണ്ടായിരിക്കും. ഈ ബാച്ചിലേക്കുള്ള അഡ്മിഷൻ തുടരുന്നു. സ്ത്രീകളുടെയും കുട്ടികളുടെയും ക്ഷേമത്തിനായി സമർപ്പിച്ചിരിക്കുന്ന ഒരു സ്വയംഭരണ സ്ഥാപനമായ NCDC ഇന്ത്യയിലുടനീളം ഉയർന്ന നിലവാരമുള്ള വിദ്യാഭ്യാസം ഉറപ്പാക്കുന്നതിൽ സുപ്രധാന പങ്ക് വഹിക്കുന്നു എന്നത് ശ്രദ്ധേയമാണ്.

കൂടുതൽ വിവരങ്ങൾക്ക് +919846808283
വെബ്സൈറ്റ് www.ncdconline.in