ഫിറ്റ്‌നെസ് ഇല്ലാതെ സ്‌കൂൾ കുട്ടികളുമായി സർവീസ് നടത്തി; വാഹനം പിടിച്ചെടുത്ത് ആർടിഒ സ്‌ക്വാഡ്

കണ്ണൂർ: ഫിറ്റ്‌നെസ് ഇല്ലാതെ സർവ്വീസ് നടത്തിയ ഹയർ സെക്കണ്ടറി സ്‌കൂളിന്റെ വാഹനം ആർടിഒ സ്‌ക്വാഡ് പിടികൂടി. ചാല തന്നട റോഡിൽ സ്‌കൂൾ കുട്ടികളുമായി സർവീസ് നടത്തിയിരുന്ന കടമ്പൂർ ഹയർസെക്കൻഡറി സ്‌കൂളിന്റ വാഹനമാണ് ഫിറ്റ്‌നസ് ഇല്ലാതെ സർവീസ് നടത്തിയതിന് കണ്ണൂർ ആർ ടി ഒ എൻഫോഴ്‌സ്‌മെന്റ് സ്‌ക്വാഡ് വിഭാഗം പിടികൂടിയത്. മോട്ടോർ വെഹിക്കിൾ ഇൻസ്‌പെക്ടർ കെ എം സിജു, അസിസ്റ്റന്റ് മോട്ടോർ വെഹിക്കിൾസ് ഇൻസ്‌പെക്ടർ വി പി സജീഷ് എന്നിവരാണ് പരിശോധന സംഘത്തിൽ ഉണ്ടായിരുന്നത്. കഴിഞ്ഞവർഷവും ഫിറ്റ്‌നെസ് ഇല്ലാതെ സർവ്വീസ് നടത്തിയതിന് ഈ വാഹനത്തിനെതിരെ പിഴയിടാക്കിയിരുന്നെന്നും അതിനാൽ കർശന നടപടികൾ കൈക്കൊള്ളുമെന്നും എൻഫോർഴ്‌സ്‌മെന്റ് ആർടിഒ സി യു മുജീബ് അറിയിച്ചു