13 വയസ്സുകാരിയെ വധുവാക്കി 40കാരൻ ; കേസെടുത്ത് പൊലീസ്

ഹൈദരാബാദ്: തെലങ്കാനയിൽ 13 വയസ്സുള്ള എട്ടാം ക്ലാസുകാരിയെ 40-കാരൻ വിവാഹം കഴിച്ച സംഭവത്തിൽ കേസെടുത്ത് പൊലീസ് . ഹൈദരാബാദിനടുത്ത് നന്ദിഗമയിൽ നടന്ന ഈ ശൈശവ വിവാഹത്തിൽ, വരനും പെൺകുട്ടിയുടെ അമ്മയും പുരോഹിതനും ഇടനിലക്കാരനും ഉൾപ്പെടെ നാലുപേർക്കെതിരെയാണ് കേസെടുത്തിരിക്കുന്നത്.

ഈ വിവാഹത്തിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെയാണ് സംഭവം പുറത്തറിയുന്നത്. പെൺകുട്ടിയുടെ സ്കൂളിലെ അധ്യാപകൻ നൽകിയ വിവരത്തെ തുടർന്നാണ് പൊലീസ് നടപടി സ്വീകരിച്ചത്. നിലവിൽ പൊലീസ് അന്വേഷണം പുരോഗമിക്കുകയാണ് പ്രതികൾക്കായി തിരച്ചിൽ ഊർജിതമാക്കുകയും ചെയ്തു.