‘മിസ്റ്റര്‍ ആന്‍ഡ് മിസ്സിസ് ബാച്ച്ലര്‍’ ഒടിടി റിലീസ് തീയതി പ്രഖ്യാപിച്ചു

മഞ്ജു വാര്യർ നായികയായ കരിങ്കുന്നം സിക്സസ് എന്ന ചിത്രത്തിന് ശേഷം ദീപു കരുണാകരൻ സംവിധാനം ചെയ്ത ചിത്രമാണ് ഇത്. ഇന്ദ്രജിത്തും അനശ്വരയും ആദ്യമായി ഒരുമിക്കുന്ന ചിത്രം റൊമാന്‍റിക് കോമഡി ഗണത്തില്‍ പെടുന്ന ഒന്നാണ്. രാഹുൽ മാധവ്, ദീപു കരുണാകരൻ, സോഹൻ സീനുലാൽ, ബിജു പപ്പൻ എന്നിവരും വേഷമിട്ട ഈ ചിത്രം നിർമ്മിച്ചിരിക്കുന്നത് ഹൈലൈൻ പിക്ചേഴ്സിന്‍റെ ബാനറിൽ പ്രകാശ് ഹൈലൈൻ ആണ്. അർജുൻ ടി സത്യൻ രചിച്ചിരിക്കുന്ന ഈ ചിത്രത്തിന് ക്യാമറ ചലിപ്പിച്ചത് പ്രദീപ് നായർ ആണ്.