ബോളിവുഡ് ചിത്രം രാമായണത്തിന്റെ വന്‍ അപ്ഡേറ്റ് പുറത്ത്

 ഇന്ത്യന്‍ സിനിമാ ലോകം ഏറെ പ്രതീക്ഷയോടെ കാത്തിരിക്കുന്ന ബോളിവുഡിലെ മഹാസംരംഭമായ രാമായണം സിനിമയുടെ ടൈറ്റിൽ പ്രഖ്യാപന വീഡിയോയ്ക്ക് സെന്‍സര്‍ ലഭിച്ചു. സെൻട്രൽ ബോർഡ് ഓഫ് ഫിലിം സർട്ടിഫിക്കേഷന്റെ (സിബിഎഫ്സി) അംഗീകാരം നല്‍കിയതോടെ ഈ വന്‍ പ്രോജക്ടിന്റെ ആദ്യ ഔദ്യോഗിക ദൃശ്യം ഉടൻ പ്രേക്ഷകരിലേക്ക് എത്തുമെന്നാണ് സൂചന.

തേഷ് തിവാരി സംവിധാനം ചെയ്യുന്ന രാമായണം രണ്ട് ഭാഗങ്ങളായാണ് പ്രേക്ഷകർക്ക് മുന്നിലെത്തുക. ആദ്യ ഭാഗം 2026-ലും രണ്ടാം ഭാഗം 2027-ലും തിയേറ്ററുകളിൽ റിലീസ് ചെയ്യും. റൺബീർ കപൂർ ശ്രീരാമനായും, സായ് പല്ലവി സീതയായും, യാഷ് രാവണനായും വേഷമിടുന്ന ഈ ചിത്രം ഇന്ത്യൻ സിനിമാ ചരിത്രത്തിലെ ഏറ്റവും വലിയ പ്രോജക്ടുകളിൽ ഒന്നാണ്.

സിബിഎഫ്സി രാമായണം 3D ടൈറ്റിൽ പ്രഖ്യാപന വീഡിയോയ്ക്ക് ‘യു’ സർട്ടിഫിക്കറ്റ് നൽകിയിട്ടുണ്ടെന്നാണ് വിവരം. വീഡിയോയുടെ റൺടൈം 3 മിനിറ്റാണ്, ഇത് റൺബീർ കപൂർ, സായ് പല്ലവി, യാഷ് എന്നിവരുടെ കഥാപാത്രങ്ങളുടെ ആദ്യ ദൃശ്യങ്ങൾ അവതരിപ്പിക്കുമെന്നാണ് പ്രതീക്ഷിക്കപ്പെടുന്നത്.