ബലാത്സംഗ ശ്രമം ചെറുത്ത യുവതിയെ ട്രെയിനിന് മുന്നിലേക്ക് തള്ളിയിട്ട് കൊന്ന് യുവാവ്

മുംബൈ: റെയിൽവേ സ്റ്റേഷനിൽ ബലാത്സംഗ ശ്രമം ചെറുത്ത യുവതിയെ 30കാരൻ ട്രെയിനിന് മുന്നിലേക്ക് തള്ളിയിട്ട് കൊന്നു. മുംബൈയിലെ താനെ ദിവ റെയിൽവേ സ്റ്റേഷനിലെ 5, 6 പ്ലാറ്റ്ഫോമിലാണ് ഞെട്ടിപ്പിക്കുന്ന സംഭവം. 39 കാരനായ രാജൻ സിങ് എന്നയാൾ അറസ്റ്റിലായതായി താനെ റെയിൽവേ പൊലീസ് അറിയിച്ചു.

ശുചീകരണ തൊഴിലാളികൾ സംഭവത്തിന് ദൃസാക്ഷികളാണ്. യുവാവിന്‍റെ ആക്രമണത്തിൽനിന്ന് രക്ഷപ്പെടാൻ യുവതി ഏറെ ശ്രമിച്ചു. ഈ സമയം എത്തിയ ഗുഡ്സ് ട്രെയിനിന് മുന്നിലേക്ക് യുവതിയെ തള്ളിയിടുകയായിരുന്നുവെന്ന് തൊഴിലാളികൾ പറ‍യുന്നു. തങ്ങൾ ഇടപെടാൻ ശ്രമിച്ചപ്പോഴേക്കും എല്ലാം കഴിഞ്ഞിരുന്നുവെന്നും ഇവർ പറഞ്ഞു. ട്രെയിനിന് മുന്നിൽ വീണ സ്ത്രീ തൽക്ഷണം മരിച്ചു. ഇവരെ തിരിച്ചറിഞ്ഞിട്ടില്ല.