പേയ്‌മെന്‍റ് അലര്‍ട്ടുകളും തത്സമയ ഇടപാട് ട്രാക്കിങും അറിയാം; മഹാകുംഭ് സൗണ്ട്‌ബോക്‌സുമായി പേടിഎം

തത്സമയ പേയ്‌മെന്‍റ് അലര്‍ട്ടുകളും തത്സമയ ഇടപാട് ട്രാക്കിങും അറിയാന്‍ കഴിയുന്ന ഇന്ത്യന്‍ നിര്‍മ്മിത പേടിഎം മഹാകുംഭ് സൗണ്ട്‌ബോക്‌സ് പേടിഎം അവതരിപ്പിച്ചു. ഇത് വ്യാപാരികള്‍ക്കും ബിസിനസുകാര്‍ക്കും പേയ്‌മെന്‍റുകളെ എളുപ്പത്തില്‍ ട്രാക്ക് ചെയ്യാനും ഇടപാടിന്‍റെ വിസിബിലിറ്റി മെച്ചപ്പെടുത്താനും കഴിയുന്ന തരത്തിലാണ് രൂപകല്‍പ്പന ചെയ്തിരിക്കുന്നത്.

ഇതിൽ തത്സമയ ഇടപാട് അപ്‌ഡേറ്റുകള്‍, ആകെ കളക്ഷന്‍, ഉപകരണത്തിന്‍റെ സ്റ്റാറ്റസ് എന്നിവ വ്യക്തമായി അറിയാന്‍ കഴിയുന്ന ബില്‍റ്റ്-ഇന്‍ ഡിജിറ്റല്‍ സ്‌ക്രീന്‍ ഉണ്ട്. ഈ സ്ക്രീന്‍ വഴി വ്യാപാരികള്‍ക്ക് ഇടപാടുകള്‍ പെട്ടെന്ന് കാണാനും ഓഡിയോ അലര്‍ട്ടുകള്‍ സ്വീകരിക്കാനും കഴിയും. ഒന്നിലധികം പേയ്‌മെന്‍റുകള്‍ നടക്കാറുള്ള തിരക്കേറിയ സമയങ്ങളില്‍ വ്യാപാരികള്‍ക്ക് പുതിയ പേടിഎം സൗണ്ട്ബോക്സ് കൂടുതല്‍ സഹായകരമാകും എന്നാണ് റിപ്പോർട്ടുകൾ സൂചിപ്പിക്കുന്നത്.

ഇതിൽ എല്ലാ യുപിഐ ആപ്പുകളും യുപിഐ വഴി റുപേ ക്രെഡിറ്റ് കാര്‍ഡ് പേയ്‌മെന്‍റുകളും സ്‌കാന്‍ ചെയ്യാനും പണമടയ്ക്കാനും ഉപഭോക്താക്കളെ അനുവദിക്കുന്ന പേടിഎം ക്യുആര്‍ കോഡ് ഉണ്ട്. 11 ഭാഷകളില്‍ അപ്‌ഡേറ്റുകള്‍ നല്‍കുന്നതിനാല്‍ വ്യാപാരികള്‍ക്ക് അവര്‍ക്കിഷ്ടപ്പെട്ട ഭാഷയില്‍ അപ്‌ഡേറ്റുകള്‍ ലഭ്യമാകും.