പുതിയ പാമ്പൻ പാലത്തിന്റെ ഉദ്ഘാടനം ഇന്ന് പ്രധാനമന്ത്രി നിർവഹിക്കും

2019ൽ നരേന്ദ്രമോദി തന്നെ തറക്കല്ലിട്ട പാമ്പൻ പാലത്തിന്റെ ഉദ്ഘാടനത്തിനായാണ് അദ്ദേഹം ഇന്ന് രാമേശ്വരത്തേക്ക് എത്തുന്നത്. ക്ഷേത്രദർശനം നടത്തിയ ശേഷം ഉച്ചയ്‌ക്ക് 12 മണിയോടെയാകും പാലത്തിന്റെ ഫ്ലാ​ഗ് ഓഫ്.ഇന്ത്യയിലെ ആദ്യ വെർട്ടിക്കൽ ലിഫ്റ്റ് കടൽപാലമാണ് പാമ്പൻ പാലം. 550 കോടി രൂപ ചെലവിലാണ് ഇത് നിർമിച്ചിരിക്കുന്നത്. വെർട്ടിക്കൽ ബ്രിഡ്ജായ പാമ്പൻ പാലത്തിന് 72.5 മീറ്റർ ലിഫ്റ്റ് സ്പാൻ ഉണ്ട്. രാമേശ്വരത്തെ തമിഴ്നാടിന്റെ മറ്റ് പ്രദേശങ്ങളുമായി ബന്ധിപ്പിക്കുന്ന ഈ കടൽപാലം ട്രെയിൻ സർവീസുകളെ തടസപ്പെടുത്താതെ വലിയ കപ്പലുകൾക്ക് കടന്നുപോകാൻ സഹായിക്കും.