പാമ്പിന്റെ ബീജം കുടിക്കും; മദ്യത്തോട് ആസക്തിയില്ല; വെളിപ്പെടുത്തലുമായി ​ഗായിക ജെസീക്ക സിംപ്‌സൺ

പാമ്പിന്റെ ബീജം ചേർത്ത പാനീയം സ്ഥിരമായി കുടിക്കാറുണ്ടെന്ന് വെളിപ്പെടുത്തി അമേരിക്കൻ ഗായിക ജെസീക്ക സിംപ്‌സൺ. തന്റെ ശബ്ദസൗന്ദര്യത്തിന്റെ ര​​​ഹസ്യം അതാണെന്നും യുവതി പറയുന്നു. ഇൻസ്റ്റഗ്രാമിൽ പങ്കുവച്ച ഒരു വീഡിയോയിലൂടെയാണ് താരം ഇക്കാര്യങ്ങൾ വ്യക്തമാക്കുന്നത്. വോക്കൽ കോഡുകൾ മികച്ചതാക്കാൻ സ്‌പേം കോക്ടെയിലുകൾ കുടിക്കാറുണ്ടെന്ന് താരം വ്യക്തമാക്കി.

ഇത് കുടിക്കുന്നത് ആളുകൾക്ക് മോശമായി തോന്നിയേക്കാം. തേനിനു തുല്യമാണ് ഈ പാനീയത്തിന്റെ സ്വാദ്. എന്റെ പാട്ട് മികച്ചതാക്കാൻ ഇത് ഏറെ സഹായിച്ചിട്ടുണ്ട്. നല്ല ശബ്ദം വേണമെങ്കിൽ നിങ്ങളും ഈ വിദ്യ പരീക്ഷിക്കൂ. ഈ പാനീയത്തിൽ പാമ്പിൻ ബീജം അടങ്ങിയിരിക്കുന്ന കാര്യം എനിക്ക് ആദ്യം അറിയില്ലായിരുന്നു.

അതിലെ ചേരുവകൾ വായിച്ച സുഹൃത്തുക്കളാണ് അക്കാര്യം എന്റെ ശ്രദ്ധയിൽപ്പെടുത്തിയത്. ഞാൻ സ്‌പേം കോക്ടെയിലുകൾ കുടിക്കുന്നത് ശരി തന്നെ. എന്നാൽ ജീവിതത്തിൽ ഇന്നുവരെ എനിക്ക് മദ്യത്തോട് ആസക്തി തോന്നിയിട്ടില്ല. മദ്യപിക്കില്ല എന്നത് എനിക്കും കുടുംബത്തിനും വേണ്ടി എടുത്ത ഏറ്റവും മികച്ച തീരുമാനമാണ് എന്നാണ് ജെസീക്ക പറയുന്നത്.

ശബ്ദം മികച്ചതാക്കാൻ ഗായകർ ഇത്തരം രീതികൾ സ്വീകരിക്കുന്നതിൽ അതിശയം തോന്നുന്നു എന്നുള്ള കമന്റുകളാണ് ജെസീക്കയുടെ വീഡിയോക്ക് താഴെ എത്തുന്നത്. സ്വീറ്റ് കിസ്സസ് എന്ന ആൽബത്തിലൂടെ ശ്രദ്ധ നേടിയ ഗായികയാണ് ജെസീക്ക സിംപ്‌സൺ. സ്വീറ്റ് കിസ്സസ് ജെസീക്കയുടെ ആദ്യ ആൽബമാണ്. ഇതിന്റെ രണ്ട് മില്യനോളം കോപ്പികൾ വിറ്റുപോയിരുന്നു.

അതേസമയം, ജീവികളുടെ ബീജംകൊണ്ടുള്ള ഉത്പന്നങ്ങൾ സൗന്ദര്യവർധനവിനുൾപ്പെടെ ഉപയോഗിക്കുന്നവർ നിരവധിയാണ്. അക്കൂട്ടത്തിൽ സെലിബ്രിറ്റികളുമുണ്ട്. കൊളാജൻ വർധിപ്പിക്കാനും ചർമത്തിലെ പിഗ്മെന്റേഷൻ മെച്ചപ്പെടുത്തുന്നതിനും സാൽമൺ ബീജത്തിന്റെ ഫേഷ്യലുകൾ ചെയ്യാറുള്ളതായി അമേരിക്കൻ ടെലിവിഷൻ താരം ക്ലോയി കർദാഷിയാനും ഹോളിവുഡ് താരം ജെനിഫർ ആനിസ്റ്റണും അടുത്തിടെ തുറന്നുപറഞ്ഞിരുന്നു.