‘ജാനകി Vs സ്റ്റേറ്റ് ഓഫ് കേരള’ സിനിമയുടെ പേര് മാറ്റാമെന്ന് നിര്‍മാതാക്കള്‍ ഹൈക്കോടതിയിൽ

കൊച്ചി: ‘ജാനകി വേഴ്‌സസ് സ്റ്റേറ്റ് ഓഫ് കേരള’ എന്ന സിനിമയുടെ പേര് മാറ്റാൻ തയ്യാറാണെന്ന് നിർമാതാക്കൾ. പേരിന് ഒപ്പം ഇൻഷ്യൽ കൂടി ചേർത്ത് ‘ജാനകി വി’ എന്നാക്കാമെന്ന് നിർമാതാക്കൾ ഹൈകോടതിയെ അറിയിച്ചു. കോടതി രം​ഗങ്ങളിൽ ജാനകി മ്യൂട്ട് ചെയ്യും.

രണ്ട് മാറ്റങ്ങൾ വരുത്തിയാൽ ജെ.എസ്.കെ സിനിമക്ക് പ്രദർശനാനുമതി നൽകാമെന്ന് സെൻസർ ബോർഡ് ഹൈകോടതിയിൽ അറിയിച്ചിരുന്നു. ‘ജാനകി വി വേഴ്‌സസ് സ്റ്റേറ്റ് ഓഫ് കേരള’ എന്നോ ‘വി. ജാനകി വേഴ്‌സസ് സ്റ്റേറ്റ് ഓഫ് കേരള’ എന്നോ ആക്കുന്നതില്‍ പ്രശ്നമില്ലെന്നും സെൻസർ ബോർഡ് അറിയിച്ചു. ഇതിന് പിന്നാലെയാണ് നിർമാതാക്കൾ പേര് മാറ്റാൻ തീരുമാനിച്ചത്.