“കൃഷി ചെയ്യുന്ന വിദ്യാർഥികൾക്ക് ഗ്രേസ് മാർക്ക്, എല്ലാ സ്കൂളുകളിലും ‘കതിർ’ ക്ലബ്” – കൃഷിവകുപ്പ് മന്ത്രി ടി. സിദ്ദിഖ്

തിരുവനന്തപുരം: കൃഷിയിൽ സജീവമായി പങ്കെടുക്കുന്ന വിദ്യാർഥികൾക്ക് ഗ്രേസ് മാർക്ക് നൽകുന്നതിനുള്ള നടപടികൾ സ്വീകരിക്കുമെന്ന് കൃഷിവകുപ്പ് മന്ത്രി ടി. സിദ്ദിഖ്. വിദ്യാർഥികളിൽ കൃഷിയോടുള്ള താൽപര്യം വർധിപ്പിക്കുകയാണ് പദ്ധതിയുടെ ലക്ഷ്യമെന്നും കൃഷി പ്രവർത്തനങ്ങളിലൂടെ കുട്ടികളെ കാർഷിക മേഖലയുമായി കൂടുതൽ അടുപ്പിക്കുമെന്നും മന്ത്രി പറഞ്ഞു.

‘കതിർ’ കാർഷിക ക്ലബ്ബിന്റെ പ്രവർത്തനം ഈ വർഷം 500 സ്കൂളുകളിൽ ആരംഭിച്ചിട്ടുണ്ട്. അടുത്ത അധ്യയന വർഷത്തോടെ സംസ്ഥാനത്തെ എല്ലാ സ്കൂളുകളിലും കതിർ ക്ലബ്ബുകൾ ആരംഭിക്കാനാണ് ലക്ഷ്യമിടുന്നത്. കൃഷി പഠനത്തിന്റെ ഭാഗമാക്കുന്നതിനൊപ്പം വിദ്യാർഥികളെ നേരിട്ട് കൃഷിയിലേക്ക് എത്തിക്കുകയാണ് പദ്ധതിയുടെ ലക്ഷ്യം.

സ്കൂളുകളിൽ മാത്രമല്ല, വിദ്യാർഥികളുടെ വീടുകളിലും കൃഷി ആരംഭിക്കുന്നതിനും പദ്ധതിയുണ്ട്. ഇതിനായി ഓരോ സ്കൂളിനും 10,000 രൂപ വീതം നൽകും. സ്കൂളുകളിൽ കൃഷിക്ക് അനുയോജ്യമായ സ്ഥലമില്ലാത്തിടത്ത് മറ്റ് സ്ഥലങ്ങൾ കണ്ടെത്തി കൃഷി നടത്താനും പദ്ധതിയിലൂടെ ലക്ഷ്യമിടുന്നുണ്ട്.