ഇവി നയം 2026 മാർച്ച് 31 വരെ നീട്ടി ഡൽഹി സർക്കാർ

ഇലക്ട്രിക് വെഹിക്കിൾ (ഇവി) നയം 2026 മാർച്ച് 31 വരെ നീട്ടി ഡൽഹി സർക്കാർ.  മുഖ്യമന്ത്രി രേഖ ഗുപ്തയുടെ അധ്യക്ഷതയിൽ ചേർന്ന മന്ത്രിസഭാ യോഗത്തിലാണ് സർക്കാർ ഈ തീരുമാനം. ഗ്രീൻ ഡൽഹിയുടെ ലക്ഷ്യം കൈവരിക്കുന്നതിനായി, നിലവിലെ ഇലക്ട്രിക് വാഹന നയം 2026 മാർച്ച് 31 വരെയോ പുതിയ ഇലക്ട്രിക് വാഹന നയത്തിന്റെ വിജ്ഞാപനം പുറപ്പെടുവിക്കുന്നത് വരെയോ നീട്ടാനാണ് ഡൽഹി സർക്കാർ തീരുമാനിച്ചത്. പുതിയ നയത്തിന്റെ കരടിനായി വിശാലമായ പൊതുജനാഭിപ്രായം തേടുക എന്ന ലക്ഷ്യത്തോടെയാണ് ഈ നീക്കം. പുതിയ ഇലക്ട്രിക് വാഹന നയം രൂപീകരിക്കുന്നതിന് എല്ലാ പങ്കാളികളുമായും വിപുലമായ കൂടിയാലോചനകൾ നടത്തും.