കണ്ണൂർ: അഞ്ചരക്കണ്ടി ഡെന്റൽ കോളേജ് വിദ്യാർഥി നിതിൻ രാജിന്റെ മരണവുമായി ബന്ധപ്പെട്ട കേസിൽ ഡോ. റാമിന് ജാമ്യം. തലശ്ശേരി ജില്ലാ സെഷൻസ് കോടതിയാണ് ജാമ്യം അനുവദിച്ചത്. കോളേജിൽ പ്രവേശിക്കാൻ പാടില്ല, കുട്ടികളെ സ്വാധീനിക്കാൻ പാടില്ല തുടങ്ങിയ ഉപാധികളോടെയാണ് ജാമ്യം അനുവദിച്ചത്. അഞ്ചരക്കണ്ടി ഡെന്റല് കോളേജിലെ ഓറല് പാത്തോളജി വിഭാഗം മേധാവിയായിരുന്ന ഡോ. കെ. റാമിനെതിരെ ആത്മഹത്യാപ്രേരണാകുറ്റം, പട്ടികജാതി-പട്ടികവര്ഗ അതിക്രമ നിരോധന നിയമം തുടങ്ങിയ വകുപ്പുകള് പ്രകാരമാണ് നേരത്തെ കേസെടുത്തിരുന്നത്.
കഴിഞ്ഞ ഏപ്രില് 10നാണ് തിരുവനന്തപുരം സ്വദേശിയായ നിതിന് രാജ് കണ്ണൂര് അഞ്ചരക്കണ്ടി ഡെന്റല് കോളേജിൽ വെച്ച് ആത്മഹത്യ ചെയ്തത്. കോളജിലെ അധ്യാപകരില് നിന്നും കടുത്ത മാനസിക പീഡനങ്ങളും ജാതി അധിക്ഷേപങ്ങളും കുട്ടി നേരിട്ടിരുന്നതായി കുടുംബം ആരോപിച്ചിരുന്നു. നിതിന് രാജിന്റെ മരണത്തില് അധ്യാപകനെതിരെ ഗുരുതര ആരോപണങ്ങളുമായി മറ്റ് വിദ്യാര്ഥികളും രംഗത്തെത്തിയിരുന്നു. കടുത്ത ജനരോഷത്തെ തുടര്ന്ന് പ്രതിയായ ഡോ. റാമിനെ കോളേജ് മാനേജ്മെന്റ് പിന്നീട് ജോലിയില് നിന്നും പുറത്താക്കിയിരുന്നു.