കേരളത്തിൽ പുനഃസംഘടനയ്ക്കുള്ള തയ്യാറെടുപ്പുകൾ ഊർജിതമാക്കി കോൺഗ്രസ്

കേരളത്തിൽ പുനഃസംഘടനയ്ക്കുള്ള തയ്യാറെടുപ്പുകൾ ഊർജിതമാക്കി കോൺഗ്രസ് നേതൃത്വം. കെ.പി.സി.സി യിലെ ഭാഗിക അഴിച്ചുപണിയുടെയും, ഡിസിസികളിലെ സമ്പൂർണ്ണ പുനഃസംഘടനയുടെയും സാധ്യതയാണ് ഇതിലൂടെ ഉയർന്നിരിക്കുന്നത്. സംസ്ഥാനത്തെ മുതിർന്ന നേതാക്കളുമായി കെ.പി.സി.സി നേതൃത്വം ഇതിനായി ചർച്ചകൾ ആരംഭിക്കുമെന്നാണ് വിവരം.

അതേസമയം പുനഃസംഘടനയ്ക്കായുള്ള കാര്യങ്ങൾ ഹൈക്കമാൻഡിനെ ധരിപ്പിക്കാനായി കെ.പി.സി.സി സംഘം നാളെ ഡൽഹിയിലേക്ക് തിരിക്കും. മറ്റന്നാൾ സംഘം ഡൽഹിയിൽ ഹൈക്കമാൻഡുമായി കൂടിക്കാഴ്ച നടത്തും. ഡൽഹിയിൽ നിന്ന് തിരിച്ചെത്തിയ ശേഷം പുനഃസംഘടനാ ചർച്ചകൾ വേഗത്തിലാക്കുമെന്നാണ് വിവരം.

ഭാരവാഹികളുടെ പട്ടിക ഹൈക്കമാൻഡുമായി കൂടിയാലോചന നടത്തി തീരുമാനിക്കും. ഡിസിസിയിൽ സമ്പൂർണ്ണ അഴിച്ചുപണി ഉൾപ്പെടെ ആലോചനയിലാണെന്നാണ് റിപ്പോർട്ട്. കെ.പി.സി.സി യിൽ ഭാഗിക അഴിച്ചുപണിക്കാണ് നീക്കങ്ങൾ നടക്കുക എന്നും വിവരമുണ്ട്.